طريقه عمل البانيه بطريقه مختلفه خطوة بخطوة بالتفصيل

طريقه عمل البانيه بطريقه مختلفه خطوة بخطوة بالتفصيل

طريقه عمل البانيه بطريقه مختلفه
  • نوع الوصفة:اطباق رئيسية
  • محتوى الوصفة:دجاج و طيور
  • درجة الصعوبة:سهلة جدا
  • خصائص:سريعة التحضيرمحببة للاطفال

المقادير:

طريقه عمل البانيه بطريقه مختلفه
طريقه عمل البانيه بطريقه مختلفه
  • صدور فراخ
  • التتبيلة عبارة عن
  • بصل وطماطم متقشرة وفص توم وملح وفلفل وبهارات فراخ وشوية خل ممكن تبشري البصلة والطماطم وممكن
  • تحطي الخلطة دي كلها في الخلاط وبعدين تحطيلها معلقتين زبادي وتضيفيها بعد كدة للفراخ
  • خلطة البانية
  • دقيق
  • بيض
  • لبن
  • بقسماط
    زيت غزير للقلي

التحضير: طريقه عمل البانيه بطريقه مختلفه

  • هنسيب الفراخ في التلاجة من ساعة لساعتين
  • في هنا تكة لازم نقول عليها انا حطيت شوية خل ليه بقى دى مش عشان الطعم وبس لأ الخل كمان بيخلي
  • الفراخ تكون طرية شوية وكمان الزبادي
  • بعد ما تطلع من التلاجة هنبدا في تحضير خلطة البانيه
  • نيجي للطريقة اول حاجة ودي تكة برضو لازم ناخد بالنا منها اننا نخلص الفراخ وننضفها من البصل يعني ما نخليش
  • عليها قطع بصل خالص هتقولولي ليه يا فالحة سمعاكم هقولكم ليه لان لو البصل لسة موجود قطع مش هيخلي
  • خلطة البانيه تمسك كويس على الفراخ هخلص اهو ما تزقوش هكمل
  • تاني خطوة هنحط قطعة الصدور في الدقيق ونضغط عليها بايدينا شوية
  • وبعدين نحطها في خليط البيض واللبن ودة عبارة عن بيضة وشوية ملح وفلفل صغيرين وحبة لبن حوالي ربع كوباية
  • هنحط الصدور فيها ونرفعها بايدينا كدة شوية زي الصورة
  • عشان الخليط الزيادة ينزل وبعد كدة ناخدها بسرعة ونحطها في البقسماط ودي بقى براحتك ممكن تحطي
  • بقسماط فيجيتار ممكن كيسين واحد عادي وواحد حار بتبقى طعمها حلو ومش حار قوي او ممكن تكوني انتي
  • عاملة بقسماط من بواقي العيش الفينو وتحمصيها وتطحنيها انا بعمل كدة وبحط عليها كيس بقسماط حار بتبقى روعة
  • اهم تكة هنا انك تضغطي على الصدور كويس عشان البقسماط تمسك فيها
  • وبعدما تخلصي كمية الصدور اللي عندك هتحطيها في طبق كل قطعة لوحدها اقصد يعني مش فوق بعض
  • وتغطيها بكيس بلاستك سمعاكم بتقولوا البت اتجننت وهتحمر الفراخ بالكيس لا استنوا بس بلاش استعجال
  • هقولكم هنعمل ايه هنروح بالطبق دة على الفريزر اه ما تستغربوش الفريزر هنسيبها اقل شئ عشر دقايق وبعدين
  • نطلعها عشان الخليط يتماسك مع الفراخ

الطبخ: طريقه عمل البانيه بطريقه مختلفه

  • بعد كدة هنكون مجهزين الزيت سخن ونخلي النار هادية عشان الفراخ تستوي من جوة وفي نفس الوقت ما
  • تتحرقش معاكي من برة وممكن في اخر دقيقة تعلي النار شوية

ملاحظات:

  • وممكن بقى تعمليها سندوتشات مع سلطة طحينة او مايونيز وشرايح طماطم وخيار وشريحة جبنة شيدر وخس
  • وجمبها طبق كولسلو وطبق بطاطس محمرة مع مايونيز
4/5 (1 Review)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *