طريقة عمل وردات الفلافل احلى فطار
-
- الكمية تكفي: شخصين
- وقت التحضير: 20 دقيقة
- وقت الطهي: 15 دقيقة
المقادير:
-
- عجينه فلافل
- توست
- سلطة طحينه
- لبن
- بيض
- بقسماط
الطبخ:
- اولا كده نروح نقلى الفلافل بالطريقه العاديه بتاعتنا وياسلام لو محشيه من جوه انا كنت حشيتها بسطرمة
- وبعد كده ششرايح التوست نبلها فى شوه لبن مرشوش عليهم رشه ملح وفلفل هنلاقى بقى ظرى
- هنحط الفلافلايه على التوستايه ونفضل نضغط نضغط على التوستايه يمكن تقر وتعترف مين اللى عمل فيها كده
- اقصد نضغظ لحد مانلفها كلها على القلافلايه ونغطى الفلافلايه خالص ماتبقاش باينه
- اهو بالشكل ده يارب الفكرة تكون وصلت
- وبعدين ندحرجهم بالبيض ثم البقسماط وهيبقى شكلهم كيوت كده
- ونقليهم فى زيت سخن مولع يدوب ثوانى علشان التوست ياد الللون الدهبى مش اكتر كده كده الفلافل مشتوسه من الداخل
- نفتحهم علامة + من النص فقط يدوب فتحه يعنى مش نشقهم ونرش عليها من الداخل سلطة الطحينه
- وكلوا وادعولى وهى بتتاكل كده لانها عباره عن شانوتش قلافل مش محتاجه عيش يعنى بلاش الذكاء ده
- وكمان واحدة للحبايب