طريقة عمل ملوخية بالجمبرى بالصور
- نوع الوصفة: اطباق رئيسية
- محتوى الوصفة:عام
- درجة الصعوبة:سهلة
- خصائص:سريعة التحضير
- الكمية تكفي:4 أشخاص
- وقت التحضير:10 دقائق
- وقت الطهي:15 دقيقة
المقادير:
- 1/2 كيلو جمبرى مغسول كويس ومقشر
- 1/2 كيلو ملوخية خضراء
- 4 فصوص ثوم مفروم
- مقدار ملح وكمون وكسبرة ناشفة
- مقدار ملوخية
- مكعب ماجى
- معلقة كبيرة سمن
المزيد من المشاركات
التحضير:
- نحضر الجمبرى ونغسله كويس وننضفه
الطبخ:
- حمر التوم المتبل بالملح والكمون والكسبرة فى السمنة
- ثم نضيف المية على قد كمية الملوخية طبعا وانتى ومقدارك يا قمر
- وعليها مكعب الماجى ونسيبها تغلى غلوتين
- وبعدين نضيف الجمبرى ونسيبة بردة يغلى غلوتين بس هو مش بياخد سوى كتير
- ثالثا نضيف الملوخية ونقصلها بالشوكة ونقلب بسرعة علشان تفك من بعضها
- وبعدين نجيب كبشة وناحد من الحلة ونطلع وننزل زى
- ما بتشوفى الراجل بتاع عصير القصب ودة علشان تظبطى قوامها يا قمر
- ويا دوب تغلى غلوتين كدة وتشيلى الريم اللى بيطلع على الوش
- وتطفى عليها ومتسيبهاش تغلى كتير علشان متسقطش فى الحلة يا فتوكة
- وبعدين تقدم فى الاطباق مع الارز الابيض الجميل والسلطة
طريقة عمل السمك الصيادية