طريقة عمل ملوخية بالارانب سر الملوخية الخضراء
- الكمية تكفي: 8 أشخاص
- وقت التحضير: 30 دقيقة
- وقت الطهي: 60 دقيقة
المقادير: ملوخية بالارانب
- ارنب
- م ك سمنة
- ورق لورا
- حبهان
- فلفل اسود
- بصلة
- طماطماية
- خلطة التحمير
- بيضتين
- الملح
- والفلفل
- وبودر توم
- وبصل نصف معلقة
- ونقطتين ليمون
- دقيق
- ملوخية مخروطة
- كسبرة ناشفة
- توم مفري
التحضير: طريقة عمل ملوخية بالارانب سر الملوخية الخضراء
- الشمس مرخمة عليا لوانى قافلة الشباك بس اهو باين شكلها متحمر جميل
- الاول نجيب الارنب ونقطعه اللادين اللى ادام ونقطعهم اتنين نوصل للسلسلة
- لو الارنب حجمه كبير اتنين كيلو او اكتر نقسم السلسلة بتاعة ضهره الى 3 قطع
- ولو صغير كيلو و700 مثلا يبقى نقطع السلسلة على اتنين بس ونوصل للوركين ونقطعهم اتنين
- ونغسله كويس جدا بالماية والملح والدقيق وننقعه شوية فى ماية ومعاها شوية خل
- وبعدين نغسله تحت الماية الجارية هتلاقيه بقى زى الفل لونه ابيض ومن غير رحية زفارة
- وطبعا وانتى بتغسليه تنظفى اى حاجة موجودة فى الزور او الكيس الدهنى اللى عند الحلموزة
- وتسبيه يصفى كل مايته ياتعلقيه زى بتاع الفراخ او تسبيه فى مصفى
- وبعدين نجيب الحلة ونشوحه فيه بمعلقة سمن بلدى والورق اللورا والفلفل الاسود
- والحبهان وتقطعى بصلة ترنشات وطماطماية عليه وايدك تقلبه على الجهتين يمن وشمال عشان مايلزقش
- فى الحلة وبعد التشويح تضيفى عليه الماية وتسبيه يستوى وتغطى عليه
- وهنا بعد التشويح ضيفت الماية تخليها تغطيه
- واول مايدخل على السواء اظبطى ملحه وبعد مايستوى طلعيه يبرد فى مصفة عشان
- نبدا نعمل خلطة التحمير الطريقة دى طلعت روعة وحمرته من كل ناحية وطعمه روعة
- وكمان لو اولادك مش بيحبو الارانب بالطريقة دى هيحبو ويطلبو منك
- نجهز بيضتين ونربهم وعليهم الملح والفلفل وبودر توم وبصل نصف معلقة ونقطتين ليمون
- انا عملت الخلطة دى وحطيت فيها ورك الارنب وبعدين على الدقيق وحمرته فى زيت كتير
- عشان يتحمر كويس نشوف صورة ونكمل
- هنا بخلطة البيض وتتبيلته لكن حسيت انه ماشلش بيض كتير
- روحت ضايفة معلقة ماية ومعلقة لبن للبيض وعليهم الدقيق وربيته كويس
- وتبلت باقى الارنب فيه
- وهنا وهما بيتحمروا اكيد الفرق وراضح بين الوركين
- كدة انا خلصت الارنب باقى الحاجة ملوخية بالتقلية
- الملوخية وطريقة تفريزها وطبخها
يلا بينا - طريقة عمل ملوخية بالارانب سر الملوخية الخضراء
- الاول بنجيب الملوخية ونقطفها وبعدين نغسلها ونحطها فى كيس مخدة نضيف وعلى نشافة الهاف ماتك نشفها
- ونحضر كيس بلاستيك نضيف ونخرطها عليه
بعد مانشفناها وخرطناها عايزين نفرزها نعمل ايه - نجهز حلة فيها ماية تكون تستوعب حجم الملوخية عشان يادوب هتتقلب فيها مش هنسويها ماشى وانا بتكلم
- على كمية الماية او الشوربة ونحط فيها شوية ملح بسيطة او واحدة مرقة دجاج لو انى عارفة انكم مش بتحبوها
- وفى ناس بتحط شوربة المهم انك تصفيها الاول وقبل ماتبدا تغلى نحط فيها الملوخية ونقلبها تقلبتين وننزلها تبرد
- وبعد كدة نكيسها ونشيلها على الفريزر واكيد كلكم عارفين طريقة لزق الكيس
- يلا بينا نطبخ الحاجة ملوخية
- لو هطلعى الكيس من الفريزر يبقى تطلعيه من الصبح يفك وممكن وانتى بتطبخى وعندك حلة موجودة على النار
- تحطى الكيس على غطة الحلة هتحسى انه بدا يفك
جهزى شوربتك وظبطى ملحلك وحطى شوية كزبرة ناشفة على الشوربة ونكون مجهزين التومة ودقنها وعليها - شوية كزبرة هى كمان واول ما تبدا الشوربة هاتغلى تنزلى فيها الملوخية وتقلبتين وتنزليها
الطبخ: طريقة عمل ملوخية بالارانب سر الملوخية الخضراء
- الشوربة هتبدا تغلى ننزل فيها الملوخية ونقلب
- ونجهز طاسة وفيها معلقة سمنة
- ولماتسخن كويس ننزل التومة لحد ماتصفر كويس
- تطشى بيها الملوخية ومن غير ماتشهقى هتطلع زى العسل
- وترجعى حلة الملوخية على النار قبل ماتغلى نزليها عشان لونها يفضل اخضر
- وتقدمى معاهم طبق الرز بالشعرية وبالف هنا
- طريقة عمل ملوخية بالارانب بالتقلية بطريقة جديدة