عناصر المحتوى
طريقة عمل مكرونة بشاميل بالتفصيل
- الكمية تكفي: 4 أشخاص
- وقت التحضير: 30 دقيقة
- وقت الطهي: 30 دقيقة
المقادير:
- مكرونة
- بشاميل
- لحمة مفرومة
- بصل
- زيت
- سمنة
- كسبرة ناشفة
- فلفل اسود
- ملح
- قرفة
التحضير: طريقة عمل مكرونة بشاميل بالتفصيل
- جبت بصلتين كبار كدا حلوين وقطعتهم على ايدى مبحبش المبشرة ولا الكبة
- وحطيتلهم حبة ملح
- وعلى النار فى الحلة
- وفضلت اقلب اقلب
- وبعدين حطيت معلقة زيت ومعلقة سمنة
- تمام كدا معايا ياقمرات
- الله المستعان
- وانا بقلب فضلت استغفر عشان الاكل يبقاله طعم وكمان قلب ما ابدا نويت واحتسبت الاجر عند الله
- بعد كدا استنين البصلة لحد ماصفرت او لونه اصفر
- زى ما انتم شايفين كدا بعد كدا نزلت باللحمة المفرومة عدل عليها وحطيت كسبرة ناشفة وحبة فلفل اسمر وحبة
- ملح وحبة قرفة صغيرين عشان ريحة اللحمة تمام كدا محدش يسرح خليكوا معايا
- وفضلت اقلب فيها وزودتها نص كوباية مية وهديت النار شوية وغطيتها تمام
- وسبتها وكل شوية ابص عليها لقيتها نزلت الميا بتاعتها
- ولما قربت تستوى عملت ايه انا بقا ؟؟؟
- جبت حبة بقدونس وقرن فلفل بس مش حراق
- وقطعتهم وحطيتهم على اللحمة عدل
- بصراحة الريحة كانت تجنن حلوة اوى
الطبخ: طريقة عمل مكرونة بشاميل بالتفصيل
- كدا جبت حلة نصها مة وحبة زيت يغلوا على النار
- وجبت المكرونة بعد ما الميا غلت وحطيتها فى الحلة
- تمام كدا
- وسلقتها نص سلقة مش لازم تطيب اوى عشان متعجنش
- وخلوا بالكم لما تزودوا اللحمة ميا لازم تبقى ميا سخنة الحاجة والدتى دايما تقولى كدا
- المهم سلقنا المكرونة الجميلة بعد كدا صفيت المكرونة وجبت حلة
- حطيت فيها معلقة سمنة ومعلقة زيت
- و3 معالق دقيق
- وسخنت السمنة خالص وبعد كدا حطيت الدقيق
- وفضلت اقلب بسرعة وجبت كوباية لبن دافة وحطيتها على الدقيق والسمن وجبت بتاعة اللى بنضرب بيها البيض
- دى وقعدت اقلب جامد
- اهم حاجة الدقيق ميبقاش مكلكع كدا لازم تصربى بقلب جامد وكويس
- ونسيبه شوة لحد مايبرد على جمب بعد مابرد بقا جبته وحطيت عليه بيضتين
- وقلبت جامد ولو حسيتيه لسة مكلكع او تخين اوى زودى حبة لبن ولو مش عندك لبن من اصله ممكن بشوربة
- تمام ياقمرات
- جبت الصينية بعد ما غلفتها بالزيت وحبة دقيق
- عشان متلزقش
- ورصيت طبقة مكرونة
- وبعدين حبة بشاميل
- وامى بقا لازم تحط معلقة صلصلة وتحط البصمة بتاعتها
- وبعدين العصاج الجميل بتاعنا
- وبعدين مكرونة تانى واخيرا البشاميل
- واهم حاجة البشاميل يغطى وش المكرونة كويس عشان ميبقاش وشها ناشف
