طريقة عمل مسقعة بالبشاميل

طريقة عمل مسقعة بالبشاميل

  • نوع الوصفة: اطباق رئيسية
  • محتوى الوصفة: لحوم
  • درجة الصعوبة: سهلة
  • خصائص: سريعة التحضير
    • الكمية تكفي: 8 أشخاص
    • وقت التحضير: 30 دقيقة
    • وقت الطهي: 30 دقيقة

المقادير:

طريقة عمل مسقعة بالبشاميل
طريقة عمل مسقعة بالبشاميل
    • باذنجان رومي
    • فلفل رومي
    • بطاطس
    • لحمة مفرومة وبصل (( لزوم العصاج ))
    • علبة صلصة طماطم وتوم (( لزوم الصلصة ))
    • لبن ودقيق وكريمة طبخ (( لزوم البشاميل ))

التحضير:

  • الخطوة الأولى
    هي تقطيع الباذنجان والبطاطس لشرايح وتحطي عليهم الملح وتقطعي الفلفل الرومي كمان
    طبعاً هاتملحي الباذنجان والبطاطس وتركنيهم ينزلوا الماية اللي فيهم عشان وأنت بتقي مش يشربوا زيت
    وتقليهم
    وبلاش تقلي الفلفل عشان طعمه بيتغير
    لما بيتحط فريش كده طعمه بيبقى أحلى كتير
  • الخطوة التانية :- الصلصة
    تفرمي نص راس توم وتنزلي بيها على الزيت
    بحب ازل بالبصل أو التوم على زيت بارد وأشوحهم على نار هادية
    أول ما يحمر
    أكون مدوبة علبة الصلصة في ماية كتير وانزل بيها على التوم
    أول ما تغلي شيليها من على النار واركنيها على جنب
  • الخطوة التالتة :- العصاج
    طبعا كلنا عارفينه بتشوحي بصل في شوية زيت أو زبدة وتنزلي باللحمة المفرومة لحد ماتنزل مايتها وتشربها وتستوي وتظبطي الملح والفلفل
  • الخطوة الرابعة والأخيرة :- البشاميل
    دأ بقى نرص الصينية
    تحطي في الأول طبقة من البشاميل في القعر
    وبعدين راق باذنجان مقلي
    وراق بطاطس
    وراق فلفل
    وراق عصاج
    وتكرري بالعكس فلفل وبطاطس وباذنجان وبعدين تنزلي عليهم بالصلصلة
    وتحطي باقي البشاميل على الوش

الطبخ: طريقة عمل مسقعة بالبشاميل

  • انا هنا حطيتها في صينية مش عالية أوي لأني مش عندي صواني جنابها عالية
  • بس هي لازم تتحط في في صينية عالية عشان بتغلي في الفرن
  • المهم حطيها على درجة حرارة 200 وسيبيها ما بين نص ساعة لساعة عشان تتشرب الصلصة

 

5/5 (1 Review)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *