- الكمية تكفي: 4 أشخاص
- وقت التحضير: 30 دقيقة
- وقت الطهي: 30 دقيقة
عناصر المحتوى
المقادير:
- كوباية ونص رز
- وكوباية عدس بجبة
- و3 بصلات
- وطبعا طماطم
- وصلصة
- وتوم
- وحمص الشام
التحضير:
- المكرونة مشكلة نص كيلو اسباجتي ونص مشكل صغير خواتم او مقصوصة اللي تسموه تسموه
- سلقت المكرونة عاااادي وصفيتها وقلبتها بالزيت وكدة خلصت المكرونة
- علي فكرة الزيت اللي بنحمر فيه البصل هو اللي نشتغل بيه في الرز والمكرونة والصلصة
- البصل حلقات رفيعة وهنا حمص الشام نقعته 6 ساعات وبعد كدة سويته بميه وفيها ملح
الطبخ: طريقة عمل كشرى مشطشط
- حمرت البصل بزيت كتير لاوم الزيت يغطي البصل وعلي نار عاليه
- علي فكرة انا لا بحط دقيق ولا بغلي الزيت قبل ما احط
- البصل ولا الكلام دا كله انا بحط الزيت وعليه البصل وعلي نار عالية وبيطلع الله اكبر زي الفل ومقرمش حتي لو بيت
- كدة دخل علي اللون اللي انا عايزاه بني واهو اللون اللي وصلت له ما شاء الله جميل اهم حاجة ايدك بالتقليب
- علشان مش تبقي واحدة وواحدة العدس سلقتة من غير ما يتهري حبايته تبقي ماسكة نفسها علشان هيكمل
- سوا مع الرز ما يطلعش معجن معايا
- غسلت الرز ونزلته علي العدس
- حمرت الشعرية ونزلت بيها علي الرز والعدس
- حمرت شوية كمون بالزيت
- نزلت عليه بالميه ومنه علي الرز والعدس
- ادي الرز والعدس مش مهري ازاي
- وزودته الميه غطيته بس علشان مش يعجن
- هنا بقي حمرت التوم مع شوية شطة
- نزلت علي التوم بشوية خل وبعدين حطيت الصلصة والطماطم تتسبك
- كدة اتسبكت زودت ميه مش كتير لان بحبها تقيلة شوية واخدت غلوة وطفيت عنها
- اه اخدت منها شوية متسبكين وحطيت شطة حمرا عليها وبقت شطيطة
- الدقة بقي عبارة عن لمونة ومعلقتين خل وفصين توم مهروسين ونص كوباية ميه وملح
- وبس كدة
