طريقة عمل كبيبة الجمبرى البورسعيدية

طريقة عمل كبيبة الجمبرى البورسعيدية

طريقة عمل كبيبة الجمبرى البورسعيدية

  • نوع الوصفة: اطباق رئيسية
  • محتوى الوصفة: اسماك و مأكولات بحرية
  • درجة الصعوبة: متوسطة الصعوبة
  • خصائص: سريعة التحضير محببة للاطفال
  • الكمية تكفي: 4 أشخاص
  • وقت التحضير: 120 دقيقة
  • وقت الطهي: 45 دقيقة

المقادير: كبيبة الجمبرى البورسعيدية

طريقة عمل كبيبة الجمبرى البورسعيدية
طريقة عمل كبيبة الجمبرى البورسعيدية
  • ا كيلو جمبرى
  • 2 كوب أرز
  • 6 بصلة متوسطة الحجم
  • شبت وكسبرة خضرا وبقدونس
  • ملح وفلفل وبهارات (حسب الرغبة)
  • حوالى 10 فصوص ثوم كبيرة
  • ملعقة كبيرة دقيق

التحضير: 

  • غسلت الأرز كويس ونقعته نصف ساعة
  • بعد كده صفيته فى مصفاة وفرغته على فوطة وسيبته ينشف خالص (سيبته من بالليل وصحيت طحنته الصبح)
  • جهزت الشبت والكسبرة الخضرا والبقدونس (بردو من بالليل) غسلتهم كويس وصفيتهم فى مصفاة وبعدين قطعتهم
  • فى طبقين (طبق مقطع كبير شوية لأنه هيتفرم فى المفرمة وطبق قطعته ناعم علشان أزين منه الأطباق وال
  • يفيض بحطه فى كيس وأقفله كويس وأعينه فى الفريزر أستعمله فى أى وقت .. بيفضل شهور زى ما هو بس أهم
  • حاجة نطلعه من الفريزر وقت الاستخدام مش قبلها)
  • فصصت الثوم بردو من بالليل (بس عملت كمية كبيرة علشان تفضل فى الثلاجة أستعملها طول الأسبوع)
  • بجهز كمية فى علبة وأغطيها
  • ملحوظة مهمة جداً: طريقة عمل كبيبة الجمبرى البورسعيدية
  • علشان الثوم ميخسرش لأنك هتعينيه فى الثلاجة مش فى الفريزر حطى ورقة تحت الثوم يعنى افرشى العلبة
  • بورقة بيضا علشان لما ينحط فى الثلاجة الغطا هيعرق والمياه هتقع على الثوم وتبوظه لكن لما تحطى ورقة
  • بتشرب المياه ال تقع من الغطا وبكده بيفضل طول الأسبوع من غير ميبوظ ولا يجراله حاجة
  • قبل مأنام علطول طلعت الجمبرى من الفريزر (كان متقشر ومغسول ومصفى كويس ومحفوظ فى الفريزر)

الطبخ: طريقة عمل كبيبة الجمبرى البورسعيدية

طريقة عمل كبيبة الجمبرى البورسعيدية
طريقة عمل كبيبة الجمبرى البورسعيدية
  • التجهيزات ال فاتت دى كلها كانت من بالليل
  • صحيت صليت الفجر وبدأت أشتغل علطول والعيال لسة نايمة أحسن من ارتفاع الضغط ال هيحصل لو كانو صاحيين
  • (بس ياولة ـ ايدك جنبك أحسنلك ـ اسكت بأه .. الخ من كلمات التهديد اللى ولا بيجيب أى نتيجة والحمد لله ربنا
  • يهدى أولادنا جميعاً)
  • أول حاجة عملتها
  • طحنت الأرز فى مطحنة الخلاط وسيبتها على جنب
  • بعد كده جبت الجمبرى فرمته فى مفرمة اللحمة ودا شكله بعد ما فرمته
  • ضفت عليه الخضرة المفرومة وكمان الأرز المطحون وملح وفلفل وبهارات وثوم مهروس
  • بعد كده جيت لأصعب حاجة وهى فرم البصل
  • ضفت البصل المفروم (3 بصلات) على الجمبرى وقلبت كويس
  • ضفت ملعقة الدقيق علشان يلم معايا ويمسك كويس
  • بعد كده قطعت 3 بصلات وحمرتهم خالص لحد ما أصبح اللون بنى غامق (بس مش محروق علشان الطعم ميبقاش
  • فيه مرارة خللى بالك)
  • بعد كده ضفت حوالى لترين مياه وضفت عليهم ملح وفلفل وبهارات
  • سيبتهم يغلوا وعليت النار
  • جبت بأه صوانى دهنتها زيت وشكلت الكبيبة عملت دواير وصوابع
  • (عملت نصف الكمية بس.. بصراحة لقيت الكمية كبيرة علينا .. أخدت الباقى حطيته فى كيس وشيلته فى الفريزر)
  • الكمية ال عملتها 3 صوانى ،
  • ملحوظة: وانتى بتشكليه ممكن يلزق فى ايدك شوية بلى ايدك زيت
  • دلوقتى المياه غليت أوى هديت النار وحطيت الكبيبة بالراحة خالص فى المياه
  • بعد كده عليت النار وسيبته يقلب
  • لما لقيت المياه قلت هديت النار شوية علشان الكبيبة متلزقش فى الحلة وكنت بقلب بالراحة خالص
  • هنا بأه خلاص المياه قلت ودوقت الملح لقيته مظبوط والكبيبة استوت وبقت تمام
  • غرفت الكبيبة فى مصفاة علشان تتصفى من الصوص
  • أتمنى الوصفة تكون عجبتكوا وتجربوها
  • طريقة عمل كبيبة الجمبرى البورسعيدية

شرح بالفيديو ايضا

 

5/5 (2 Reviews)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *