-
- الكمية تكفي: 3 أشخاص
- وقت التحضير: 15 دقيقة
- وقت الطهي: 30 دقيقة
المقادير:
-
- كبدة رومي
- ليمونة
- زيت
- رشة فلفل اسود
- ملح
- فلفل اخضر او الوان
- كام فص ثوم
- 6 فصوصكمون
- جوزة الطيب
الطبخ: طريقة عمل كبدة الرومي
- جيبالكم النهاردة طريقه مش جديدة ويمكن حد قبلى جربها بس حبيت اشاركم
- طبقى المتواضع جدا جنب وصفاتكم الجبارة ماشاءالله عليكم
- يمكن يكون حد زى مابيحبش ياكل كبدة اى طيور ياكلها لو عملها زى الكبدة الاسكندرانى دى كبدة وقلوب رومى
- هتقطعى الكبدة قطع صغيرة بس مش اوى
- هتحطيها فى طاسه وتعصرى عليها نص ليمونه (انا بحب اعمل كدة )
- وتحطى عليها رشه فلفل اسود
- وشويه زيت حلوين (يعنى ماتغرقيهاش ومش قليل اوى )
- ومايه عشان تستوى وبردو الكميه انتى قدريها
- زى كدة بس تقريبا مكنتش حطيت المايه
وحطيها ع النار وقلبيها تكونى مجهزة التوم (بتحطى التوم مع فلفل اخضر مقطع وكمون وملح ) ودقيهم فى الهون - كويس
- واما الدم يختفى من الكبدة ومايبقاش فى احمر حطى الى دقتيه كله عليها وقلبى عشان يتوزع
- زى كدة وسيبيها تكمل سوى ولو حابه قرب ماتستوى قطعى شويه فلفل اخضر والوان لوعندك حطى عليها يدبل
- شويه كدة
- ورشه جوزة الطيب ماتكتريش بس
- وقلبى كويس وسيبيها شويه اما خلاص تلاقيها تمام طفى عليها وبالهنا والشفا
- طعمها جميل ومش هتحسى خالص انها كبدة رومى
- انا حبتها كدة
- ممكن تعملى معاها مكرونه وبطاطس محمرة او شيبسى وسلطه
- وممكن سندويتشات وسلطه طحينه وبطاطس محمرة