طريقة عمل كباب حله سهل خفيف ولذيذ بالصور
- الكمية تكفي: 5 أشخاص
- وقت التحضير: 25 دقيقة
- وقت الطهي: 60 دقيقة
عناصر المحتوى
المقادير:
- نص كيلو لحم مقطع
- نص كوبايه خل
- مبشور طماطمتين
- فلفل اسمر مطحون وبهار لحم وحبهان مطحون
- بصل مقطع وفلفل اخضر مقطع على حسب ما تحبى
التحضير:
- من بليل هتقطعى اللحم وتتبليه بالفلفل والبهارات والخل ومبشور الطماطم
- وهتدخليه التلاجه لتانى يوم نقع اللحم بيخليها طعمها روعه وكمان الخل بيخليها تستوى بسرعه وده شكلها اما تبلتها
الطبخ:
- على النار على طول من غير ما تضيفى اى ميه لانها بتنزل ميه كافيه اوى انها تتسوى
- لاحظى كده ده لما بدات تغلى الميه بدات تطلع منها زى كده
- كده هتضيفى الفلفل الاخضر والبصل
- هتظبطى الملح عشان طبعا احنا كنا ضايفين خل وهتسيبها على نار هاديه تستوى براحتها كل شويه
- تقلبيها بتاخد تقريبا ساعه بعد كده اقلبيها فى بايركس ودخليها تحت الشوايه تتحمر
- انا مضيفتش زيت ولا سمنه اعتمدت على الدهون اللى هتنزل من اللحمه
- ده شكلها بعد الفرن
