- الكمية تكفي: 4 أشخاص
- وقت التحضير: 60 دقيقة
- وقت الطهي: 45 دقيقة
عناصر المحتوى
المقادير:
- كاليماري
- بصل مبشور
- فلفل أخضر
- جمبري
- جزر
- طماطم مقشرة ومقطعة مكعبات
التحضير:
- نغسل الكاليماري كويس بالخل والليمون عشان الزفارة طبعا
الطبخ:
- نبدأ في تجهيز الخلطة اللي هنحشي بيها وهي عبارة عن بصل مبشور وفلفل أخضر وكاليماري قطع صغيرة
- وجمبري وجزر وطماطم مقشرة ومقطعة مكعبات
- الطريقة هنسيب البصلة تدبل شوية تبدا تصفر ونضيف بعد كدة الكاليماري والجمبري والفلف الاخضر وممكن معاه
- قرن فلفل حار والجزر والطماطم ومكعب مرقة وملح وكمون وكاري ونقلبهم مع بعض شوية ونزود شوية مية صغيرين
- ونسيبها تستوي وبعدين نسيبها تبرد شوية ونشيل جزء من الخليط دة على جنب هنحتاجه للرز
- وبعد كدة نحشي الكاليماري بالخليط دة ونقفلها كويس زي الحمام المحشي بالخيط ونكون مجهزين حلة فيها مية
- وحبهان ومستكة وورق لورا واول ما تغلي نحط الكاليماري ونسيبها لحد ما تستوي وبعد كدة نحمرها بس خدي بالك
- وانتي بتحمريها غطي الطاسة لانها بتفرقع انا نبهتكم عشان انا مش مسئولة عن الاصابات
- نيجي بقى للرز فاكرين الجزء اللي سيبناه من الخلطة هنحطه في حلة على النار ونغسل الرز ونضيفه للخليط
- ونشوحهم مع بعض شوية وبعدين نضيف المية ونسيبه يستوي زي الرز عادي بس يستحسن نهدي النار من بدري
- شوية عشان ميتحرقش
- وبعدين نغرف الرز في الأطباق ونحط معاه الكاليماري وبالهنا والشفا
- ممكن نستبدل الكاليماري بالسيبيا وناخد الشراشيب بتاعتها هي اللي نقطعها ونحطها مع الخلطة ولو حسيتي ان
- الجزء بتاع الخلطة اللي هنضيفه للرز الجمبري فيه قليل ممكن تزوديه جمبري وتشوحيه على النار قبل ما تضيفي الرز
