طريقة عمل قالب الجلاش بالمكرونه والعصاج
- الكمية تكفي: 4 أشخاص
- وقت التحضير: 30 دقيقة
- وقت الطهي: 30 دقيقة
عناصر المحتوى
المقادير:
- لفة جلاش
- عصاج
- 500جم مكرونه مسلوقه (اى نوع )
- زبده او سمنة مذابه لدهن الجلاش
التحضير: طريقة عمل قالب الجلاش بالمكرونه
- ندهن صينيه بالزبده ونفرد ورقتين من الجلاش فى النص وتكون الورقه خارجه من الصينيه بالشكل ده
- ونكمل من كل الاتجاهات بنفس الطريقه لغايه ما نوصل ل3/4 كميه الجلاش مع دهن الطبقات بالزبده
- نضع المكرونه المسلوقه وانا اضفت ليها معلقتين صلصه من بتاعة الكوسه وقلبتها فيها
- وقدامك هنا كزا اختيار:
- اما انك تحطيها بدون اضافات
- او تضيفى مكعب ماجى
- او تضيفى الصلصه
- او تقلبى المكرونه مع العصاج
- او تضيفى جبنه مبشورة حسب الرغبه
- ووتقدرى تجمعى بين الجبنه والعصاج والماجى مثلا
- هنا استخدمت نوعين من المكرونه ( فوسيلى و نوتشيولى)
- لكن غالبا باعملها بالاسباجيت حتى البشاميل كمان باحبها بالاسباجيت ..
- ونحط العصاج
- وهنا كمان ممكن تغيرى براحتك
- ممكن عصاج فراخ بدل اللحمه
- ممكن فراخ شرايح مستوى مع بصل جوانح
- وممكن كبده وقوانص او نقانق مستوى مع بصل مفروم
- اونقانق مفروم ومعصج (سجق او سوسيس)
- لو تلاحظوا الجزر المبشور فى العصاج بيخليه اجمل و مفيد للاطفال كمان
- هنبدأ نرجع ورق الجلاش الخارج من الصينيه عشان يغطى الحشوة وندهن بين كل طبقتين بالزبده
الطبخ: طريقة عمل قالب الجلاش بالمكرونه والعصاج
- نغطى السطح بباقى الجلاش عشان يبقى شكلها مرتب وجميل
- وطريقتى انى باقلب الصينيه هنا على طبق كبير مسطح وادخل الاطراف الزياده دى لتحت يعنى هتبقى القاعده
- وارجها تانى للصينيه واقطعها حسب الرغبه ..
- والاسهل تقطعى الزياده وتدخلى الاطراف بطرف السكينه فى جوانب الصينيه عشان تبقى مرتبه اكتر
- ندخلها فرن سخن جدا (الرف العلوى) عشان الجلاش ينفش ويعلى وبعد ما تحمر نخرجها ونضيف كوب حليب
- مخفوق مع بيضه وكبشه شوربه بتخلى الطعم اجمل- وملح وفلفل مطحون ونرجعها الفرن 10 دقايق كمان
- شايفين شكلها ماشاء الله زى الكيك ولونها دهبى جميل
- وطعمها لذيذ والاطفال بيحبوها جدا من طعامتها
