- الكمية تكفي: 4 أشخاص
- وقت التحضير: 10 دقائق
- وقت الطهي: 90 دقيقة
عناصر المحتوى
المقادير:
- فرخة
- دقيق
- بصلتين
- قرن فلفل
- طمطماية
- عصير ليمونة
- شوية خل
- بهارات فراخ
- حبهان
- قرفة
- جنزبيل
- ريحان
- زعتر بري
- فلفل اسود
- ملح ( معلقة ونص)
- كمون
- كزبره
التحضير:
- اول حاجة جبت فرخة 1200 جرام .. غسلتها بالملح والخل وشقتها بالسكينة من الصدر والورك وعند المفاصل
- وغتطها بالدقيق لمدة نص ساعة
- وبعدين نجهز التتبيلة المعتمدة عندك
- أنا طحنت في الكبة بصلتين وقرن فلفل وطمطماية وحيطت عصير ليمونة وشوية خل
- وعليهم بهارات فراخ وحبهان وقرفة وجنزبيل وريحان وزعتر بري وفلفل اسود وملح ( معلقة ونص) وكمون وكزبره
- نغسل الفرخة كويس من الدقيق ونتبلها كويس بالخلطة اللي عملناها وندخلها بين الجلد وفي الشقوق كويس
- ونسيبها في التلاجة اقل حاجة 6 ساعات
- بعد الست ساعات نطلعها ..وهنا بقى شعلقتها على الشواية الاستاند
الطبخ:
- نسيبها ساعة في الفرن على درجة 220 ..هنفتح نلاقيها استوت وبدأت تحمر
- وبعد ماحمرت ..حطيتلها فحمة سخنه وصبيت عليها الزيت اللي نزل من الفراخ وغتطها على طول لمدة نص ساعة علشان
- تدخن تبقى رحيتها شوي جميل
