- الكمية تكفي: 4 أشخاص
- وقت التحضير: 15 دقيقة
- وقت الطهي: 60 دقيقة
عناصر المحتوى
المقادير:
- فراخ حسب الكمية اللى محتاجاها
- 2 بصلة كبيرة
- راس توم
- ورق لورا
- حبهان
- ملح
- فلفل
- جوزة الطيب
- بهارات لحم
- خل
- صلصة الباربكيو
- زيت زيتون
- مستردة( برده ممكن تستغنى عنها )
- شطة حارة
التحضير: طريقة عمل فراخ مشوية روعه
- خلى بالك لونها لازم يسود ( لو اكتر من 900 جرام)عشان تكون استوت قوى عشان متبقاش نية وفيها دم
- بنغسل الفراخ بالدقيق والملح ونقطعه نصين( لو 800) 900 4 قطع
- لو اكبر بقى 8 قطع وياريت متزيدش عن 1100
- دى الفراخ غسلتها ونقعتها فى ليمون وشطفتها
- جى بقى للتتبيلة وسر المهنة
- بتجيبى
- 2 بصلة كبيرة_ راس توم_ ورق لورا _ حبهان
- ومية ونضربهم فى الخلاط كويس جدا
- وتصفى بقى الحاجات دى فى بلاستيكة غير الا فيها الفراخ
- بعد ما تصفى الا كان فى الخلاط تحطى بقى الحاجات دى
- ملح – فلفل – جوزة الطيب- بهارات لحم ( اى بهارات بتحبيها عندك)
- بس كترى الملح والبهارات ( يعنى متحطيش اكنك بتطبخى لا زودى شوية)
- عشان هى بتتشوى من غير التتبيلة
- عالشواية عشان تكون شربت ملح وبهارات كويس
- وتحطى الحاجات دى وهى
- خل – صلصة الباربكيو( ممكن لو مش عندك تستغنى عنها) نص كوب لبن – زيت زيتون
- مستردة( برده ممكن تستغنى عنها )- شطة حارة بس خلى بالك دى نار يعنى تحطى تقريبا معلقة صغيرة بس
- وبعدين ترجعى عصير البصل وكل ده وتضربى فى الخلاط تانى كويس عشان تخلط ببعضها
- ( متنسيش تغسلى الخلاط على طول عشان التتبيلة ميبقاش ليها ريحة فى الخلاط)
- وبعدين تحطى العصير فى البلاستكة وتحطى الفراخ فيها
- واهم حاجة بقى عشان يكون فيها طعم تبات من بليل فى التلاجة او قبل الاكل ب6 ساعات
- كل ما قعدت اكتر كل ما كان طعمها احلى
الطبخ: طريقة عمل فراخ مشوية روعه
- تانى يوم بقى تحطى الفراخ عالشواية وممكن تحطى فحم على الحديد الا بيكون تحت الشبكة عشان يدى طعم للفراخ
- ومترميش العصير بتاع البصل عشان كل ما تقلبى الفراخ بمعلقة وتاخدى من عصير البصل وتحطى على الفراخ عشان تبقى طرية ولذيذة
- واهى بعد ما استوت قعدت تقريبا ساعة
- مع التقليب كل 10 دقايق
