طريقة عمل فراخ بالكشك
- نوع الوصفة: اطباق رئيسية
- محتوى الوصفة: دجاج و طيور
- درجة الصعوبة: سهلة
- الكمية تكفي: 8 أشخاص
- وقت التحضير: 25 دقيقة
- وقت الطهي: 60 دقيقة
المقادير:
طريقة عمل فراخ بالكشك- فرختين ارباع مسلوقين بالطريقة المعتادة يعني بصل وملح وفلفل وورق لوري كلنا نعرف نسلق الفرخة
- نيجي بقه لمقادير الكشك
- كوب برغل مطحون
- بصلة وسط
- 3 ملاعق دقيق
- 2 كوب زبادي
- ملح وفلفل وبهار
- شوربة فراخ
- 3 ملاعق زيت ذرة
التحضير:
- ننقع البرغل في ماء شكله كده
- كده بعد ساعة شرب الميه وبقي لين
- نحط الزبادي ونضيف به البرغل المنقوع ونقلب ونضيف الدقيق ونضيف شوية شوربة بس دافية
- مش سخنة قو ي عشان ميكلكعش
الطبخ:
- نكون مجهزين الشوربة علي النار ونضيف البرغل ونقلب كويس 10 دقايق لغاية ما يغلظ القوام
- نحمر البصلة لغاية متكون محمرة ومقرمشة ومعاها ملح وفلفل
- هنضيفة البصلة للكشك
- كده الكشك جاهز نضيف للفراخ
- ادي الفراخ مسلوقة وجاهزة
- اخيرا شوفنا الفراخ اوعو تكونو فاكرينها بلاستيك هه
- نحط عليها الكشك يللا بينا
- كده جاهزة تتحط في الفرن
- الفراخ في الفرن واو الريحة حلوة قوي
- المفاجاة بقي طبق شوربة الكشك ده خليت شوية كشك عشان تشربي احلي شوربة
