طريقة عمل فراخ بالخل والثوم

طريقة عمل فراخ بالخل والثوم

طريقة عمل فراخ بالخل والثوم

  • نوع الوصفة: اطباق رئيسية
  • محتوى الوصفة:د جاج و طيور
  • درجة الصعوبة: سهلة
  • خصائص: سريعة التحضير محببة للاطفال
  • الكمية تكفي: 5 أشخاص
  • وقت التحضير: 20 دقيقة
  • وقت الطهي: 45 دقيقة

المقادير:

طريقة عمل فراخ بالخل والثوم
طريقة عمل فراخ بالخل والثوم
  • فرخه منزوعه الجلد ومقطعه حسب الرغبه
  • راس كبير من الثوم
  • اربع معالق كبيره خل ( ممكن الزياده حسب الرغبه )
  • طمطمايه كبيره
  • ملح وفلفل اسود

التحضير:

  • ننضف الفرخه كويس ونشيل الجلد
  • وبعد كده نقطعها حسب الرغبه انا باقطعها على 8 اجزاء

الطبخ:

  • ونحط حله على النار وفيها معلقتين زيت اوسمنه ( معلش اصل انا باطبخ بزيت بقالى سنين )
  • ولما تسخن نحط قطع الفراخ ونسيبها تتحمر 5 دقايق
  • وبعد كده نقلبها على الناحيه التانيه
  • ونكون مجهزين الثوم المفروم
  • ونبعد قطع الدجاج على جنب الحله علشان نفضى مكان للثوم بالشكل ده
  • وبعدين نحط الثوم ونقلبه لغايه مايقرب يحمر
  • واول مايحمر نقلبه مع كل قطع الفراخ
  • ونكون مجهزين الخل
  • ونصبه على الفراخ ونقلبه كويس
  • هاتلاقى الخل طلع كل الحاجات اللى لازقه فى قاع الحله وهيه دى سر الطعم
  • وبعد كده بنبشر الطماطمايه
  • ونحطها على الفراخ ونقلبها ونهدى النار لغايه مانلاقى الطماطم دابت
  • وبتكون الفراخ استوت وممكن تزودى شويه ميه علشان تلاقى فيها صوص
  • لان الصوص بيكون طعمه روعه

 

5/5 (1 Review)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *