- الكمية تكفي: 4 أشخاص
- وقت التحضير: 30 دقيقة
- وقت الطهي: 40 دقيقة
عناصر المحتوى
المقادير:
- نص كيلو فراخ بانيه تتقطع شرايح رفيعه اوى وميبقاش فيها دهن تبقى صافيه
- بصله متوسطه متقطعه ترانشات
- فصين توم مفرومين
- ملح وفلفل وبهارات زى ما تحبى
التحضير: طريقة عمل فتة الشاورما فراخ
- حطيهم على بعض هيبقوا بالشكل ده
- غطيهم وع التلاجه عدل
- هاتى طمطمتين وقطعيهم مكعبات وحطيهم فى طبق وع التلاجه برضو
- كده خلصنا الفراخ
- الرز بقى
- انا عملت كوبايتين
- هاتى حله حطى شويه زيت وعليهم كوبايتين ميه وملح ومعلقه صغيره كركم مش ع النار ع البارد مجرد تجهيز بس
- غطى الحله وسيبيها على جنب
- العيش المقلى
- رغيفين تلاته عيش شامى قصيهم بالمقص عشان يبقى شكلهم حلو وحطيهم فى علبه وع التلاجه برضو
الطبخ: طريقة عمل فتة الشاورما فراخ
- تانى يوم بقى
- اول حاجه خلى ميه الرز تغلى ع النار واغسلى الرز ولما تغلى حطى الرز ووطى النار وسيبيه يستوى على راحته
- ولما يستوى هيبقى بالشكل ده
- الفراخ بقى
- هاتى حله ولما تسخن حطى الفراخ زى ماهى كده من غير زيت ولا حاجه وحطى نص كوبايه ميه ولما ميتها تنشف
- حطى نص فنجان خل ومعلقتين زيت وكيس مرقه فاين فودز او مكعب والطماطم اللى قطعناها وافضلى قلبى لحد
- ما تشرب من بعض وتحسى انها خلصت فى ناس بتحب تحط فلفل اخضر انا محبتش بصراحه لو عايز حطى مش
- مشكله وهتبقى بالشكل ده
العيش - اقليه زى ما بتقلى البطاطس بس خدى بالك مش بيحتاج وقت يعنى لازم تبقى واقفه عليه عشان ميتحرقش مش
- بيكمل نص دقيقه على بعض ومتخافيش مش بيطرطش زيت ده مش بدنجان يابطه
- وخدى بالك لما بيخرج من الزيت لونه بيغمق يعنى تطلعيه فاتح شويه عن اللون اللى انتى عايزاه ومتسيبيهوش كتير يتحرق
- نجهز التوميه علبه زبادى ومعلقتين مايونيز او كيسين اللى هما زى اكياس الكاتشب دول وملح وتوم بودره وتقلبيهم
- مع بعض بالشوكه وحطيهم فى كيس وقصيه من تحت زى كيس الحلوانى كده هتعملى بيها خطوط على وش
- الشاورما
- ودلوقتى نجمع الشاورما
