طريقة عمل عشاء خفيف سريع وموفر
- الكمية تكفي: 4 أشخاص
- وقت التحضير: 30 دقيقة
- وقت الطهي: 30 دقيقة
عناصر المحتوى
المقادير:
- كوب ونص دقيق
- نصف معلقة بكنج بودر
- معلقة خميرة بيرة قد البندقه كدا علشان البودر
- 2 معلقة سكر+ربع معلقة ملح
- 3 معلقة زيت
- نص كوب او تلات ارباع الكوب لبن حسب العجينة
- فراخ
- برجر
- لحمة مفرومة
التحضير:
- بحط كله فى العجانة وانزل باللبن حبه حبه
- لغايه ماتتماسك كدا واسيبها تخمر
- واحضر الحشو اللى كان
- عندى فى الثلاجة ورك فرخه بحاله اصل انا بقسم الفرخة لان زوجى مابيحبش الفراخ
- من برا خاالص فالفرخه بتكفينى انا والبنات بس كذا اكله خليته وقطعته قطع صغيرة علشان يستوى بسرعهوكان
- عندى لحمة مفرومة اخدت منها حته
- وكمان كان عندى برجر اخدت واحدة منه
- بما اننا 3 افراد منهم 2 صغننين اكلهم مش قد كدا يعنى فعملت دبوس الفرخه بس لاقيته كبير بصراحة
الطبخ: طريقة عمل عشاء خفيف سريع وموفر
- قطعت بصله صغيرة وحطيت الفراخ الاول وعليها ملح ومعلقة صلصة وبهارات لحمة
- وفلفل اسمر وجوز الطيب وسويتها بمعلقتين زيت على النار وزودت شويه مايه صغيرين علشان
- تستوى كويس ولما بقت تلاث ارباع سوا كدا حطيت معاها اللحمة والبرجر
- العجينة خمرت بعد نص ساعة وابتديت اكورها كور صغيرة
- وافرده واحشيها بالحشوة اللى ريحتها كانت جامده جدا جدا
- وعملت منها اشكل زى كدا وسبتها ترتاح حوالى 10 دقايق كمان
- وكنت وقتها سخنت الفرن
- ودخلتها ودى لما طلعت
