طريقة عمل عرق لحمة بالخضار بالصور
- الكمية تكفي: 6 أشخاص
- وقت التحضير: 30 دقيقة
- وقت الطهي: 60 دقيقة
عناصر المحتوى
المقادير:
- عرق لحمة
- فصوص توم
- ملح
- فلفل
- ورشة بهارات لحمة
- بصل جوليان
- وبطاطس
- وجزر
- وكوسة
- وطماطم مكعبات
- وفلفل اخضر
- مقادير الصوص
- معلتقين صويا صوص
- ومعلقتين صلصة
- وخل
- وليمون
- وزيت زيتون
- وملح
- وفلفل
التحضير:
- جبت العرق حشيتة فصوص توم سليمة زى ما بنعمل فى اللحمة الباردة وتبلتة من برة ملح فلفل ورشة بهارات لحمة ده شكل التوم من جوة
- بعدين قطعت خضروات مشكلة
- بصل جوليان وبطاطس وجزر وكوسة وطماطم مكعبات وفلفل اخضر
- وبعد كدة عملتلها الصوص عبارة عن معلتقين صويا صوصو ومعلقتين صلصة وخل وليمون وزيت زيتون وملح وفلفل
- دعكت اللحمة والخضار بالصوص ده
- وبعدين فى كيس الفرن عشان تستوى كويس
الطبخ:
- ودخلتها الفرن يجى ساعة ريحتها رهيبة وطعمها قلبت البيت بجد
- وعملتها مرة بنفس الصوص مع فراخ خضار بردو جوة كيس الفرن كانت روعة جربوها
- انا عملت جنبها مرة رز بالكارى ومع الفراخ عملت مكرونة باشميل
