طريقة عمل طاجن العكاوى بالبطاطس

طريقة عمل طاجن العكاوى بالبطاطس

  • نوع الوصفة: اطباق رئيسية
  • محتوى الوصفة: لحوم
  • درجة الصعوبة: سهلة
  • وقت التحضير: 30 دقيقة
  • وقت الطهي: 75 دقيقة

المقادير:

طريقة عمل طاجن العكاوى بالبطاطس
طريقة عمل طاجن العكاوى بالبطاطس
  • عكاوى حسب الاشخاص اللى عندك تحددى الكميه بالخضار والعكاوى
  • وخضار
  •  بطاطس
  •  جزر
  • طماطم
  • بصل
  • توم
  • فلفل
  • عودين كزبره وكرفس وشبت وبقدونس
  • بصل صغير جدا
  • 2 معلقه كبيره سكر
  • 2 دقيق
  • ملح
  • وفلفل
  • ومعلقه زعتر 

التحضير:

  • اول شى هتجيبى العكاوى وتغسليها كويس وتتبليها كويس بالملح والفلف الاسمر ومعلقتين الدقيق
  • وتسبيهم على الاقل نص ساعه وبعدين تحمريها ف الزيت نص تحميره

الطبخ: طريقة عمل طاجن العكاوى بالبطاطس

  • فى النص ساعه دى هتكونى فى حلتك قطعتى البصله والطماطم وفصين التوم والبطاطس والجزر وقرن الفلفل
  • وعليهم رشه ملح وفلفل وتغطيهم بالميه يادوب يتغطوا بس ))الشيف عملها بجزر بس ))
  • وهنا بقى التكه اللى عرفتها بقعه شاشه نضيفه تحطى عودين كرفس وكزبره وشبت وبقدونس وواحده لورى وحبهان
  • ومعلقه زعتر وتلفيها كويس وتربطيها وتحطيها مع الخضار وع النار يادوب يغلى بس
  • البصل الصغير اهو لو اصغر يبقى افضل
  • هنا بقى هتحمرى البصل الصغير فى معلقتين السكر
  • هتحطى السكر ف الطاسه
  • واول مايبقى كرميل تنزلى بالبصل والنار هاديه وتسبيه يتحمر ف السكر وتتكون قشره على البصله
  • بجد بتدى طعم تحفا ومش مسكرررر للى بتسال
  • هتضيفى كل المحتويات ف برام (( طاجن )) البصل والعكاوى وعليهم الخضار
  • هنا بعد ماخلصت لقيت صاحب جوزى اتصل وقاله عكاوى غدايه عليك وعملت طاجن تانى
  • هنا ف الفرن بقى وبتاخد على الاقل ساعه ونص على درجه 180 وتغطيها بفويل او غطا
  • وعدين تشيليه وتسبيه ربع ساعه يتحمر وشه

 

4/5 (1 Review)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *