طريقة عمل صينية بطاطس بالفراخ التكا غدانا النهارده

طريقة عمل صينية بطاطس بالفراخ التكا غدانا النهارده

طريقة عمل صينية بطاطس بالفراخ التكا غدانا النهارده

  • نوع الوصفة:اطباق رئيسية
  • محتوى الوصفة:دجاج و طيور
  • درجة الصعوبة:سهلة
  • خصائص:سريعة التحضير
    • الكمية تكفي:4 أشخاص
    • وقت التحضير:15 دقيقة
    • وقت الطهي:60 دقيقة

1. المقادير:

طريقة عمل صينية بطاطس بالفراخ التكا غدانا النهارده
طريقة عمل صينية بطاطس بالفراخ التكا غدانا النهارده
    • فرخه متقطعه اربعه وصغنونه شويه بتاعتي دي 1200 جم 
    • بطاطس + بصله كبيره + مكعب ماجي
    • 5 فصوص ثوم كبيره + ملعقة كبيره كاتشاب او صلصه 
    • 2 ملعقه خل + 4 او 5 ملاعق كبيره زبادي
    • نص ملعقه صغيره سكر 
    • نص ملعقة صغيره من كل انواع البهارات اللي عندك بس ضروري تحطي حبهان مطحون
    • هنا حاطه ( فلفل اسود + كمون + كزبره ناشفه + قرفه + زنجبيل + كاري + حبهان مطحون)

2. التحضير: طريقة عمل صينية بطاطس بالفراخ التكا

  • اول حاجه هنجيب طبق ونحط الزبادي
  • ونحط عليه الكاتشاب والخل والسكر وكل البهارات ومكعب الماجي نفركه كويس
  • نبشر البصله وندق الثوم ونضيفه عليهم
  • نقلبهم كويس قوي ونتأكد ان السكر و الماجي اختلطو .. هيطلع بقى تتبيله تحفه لونها بينك
  • هنقشر البطاطس ونقطعها شرايح سمكها متوسط شويه
  • ونحط عليها 3 ملاعق كبيره من التتبيله ونقلبها كويس معاها
  • ويفضل نرص تحت البطاطس شرايح بصل لانها اوقات بتلزق لما تطول في الفرن
  • هنتبل الفراخ بباقي التتبيله كويس قوي من فوق وتحت ومن تحت الجلد
  • ونرصها فوق البطاطس ونغطيها وندخلها التلاجه تنزل ميتها عشان نسويها تاني يوم
  • ندخلها الفرن زي ما هيا وممكن لو بتحبو الصوص كتير زودو نص كوباية ميه
  • ونغطيها بفويل عشان تستوي بسرعه يا اما ممكن نحطها في صينيه المونيوم
  • وتتحط على عين البوتجاز هتستوي بسرعه قوي وبعدين نحمر وشها تحت الشوايه
    ولا الصوص اللي نازل منها تحفه
4/5 (1 Review)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *