- الكمية تكفي: 4 أشخاص
- وقت التحضير: 60 دقيقة
- وقت الطهي: 30 دقيقة
عناصر المحتوى
المقادير:
- {1}سمك بورى حجم كبير الكمية اللى تناسبك
- {2} 2 طماطماية كبيرة
- {3}ربطة خضرة مشكلة
- {4}2 فلفلتين خضر ولمحبين الشطة ممكن قرن شطة
- { 5} بصلة صغنونة وممكن 3 فصوص توم
- {6} ملح وفلفل وبهارات سمك وكمون وممكن شوية كزبرة ناشفة
- {7}جزرة حسب الرغبة
- {8} معلقتين زيت
التحضير:
- الاول هنقول على طريقة فتح السمكة
- بمسك السمكة بايدى الشمال وهى على سيفها
- وبجيب المقص وافتحها من رأسها
- واول مافتحها اخرج كل اللى فى بطنها وانضفها كويس واغسلها بالدقيق والخل علشان الظفارة نروح منها لان
- البورى ساعات بيكون ليه رائحة ظفارة شديدة تمام كدة
- كدة فتحت السمكة ونضفت اللى فيها وبقت جاهزة للحشو
الطبخ: طريقة عمل صنيية سمك سنجارى
- بعد ما نفتح السمك بالطريقة اللى فى الصورة من الراس نغسله كويس
- نقطع الطماطم والفلفل والبصلة مكعبات صغيرة ونبشر الجزرة عليها ونقطع الخضرة
- ونتبلهم بالملح والفلفل والكمون وبهارات السمك ونضيف اليمون ونحشى السمك
- ونحضر الصينية او الساج انا بعمل فى صنية ونفرش شوية من الحشوة فى الصنية
- ونرص السمك فى الصنية ونزل عليه بمعلقتين الزيت
- ونفك معلقتين الصلصة بشوية ماية ونصبهم على السمك
- نغطى الصنية بورق فويل وتدخل الفرن وبتاخد فى السوا اقل من نصف ساعة
