طريقة عمل صدور فراخ مشوية دايت
عناصر المحتوى
المقادير:
- صدور فراخ نقسمها شرايح رفيعة شوية مش رفيعة اوى عشان ماتنشفش ( انا هنا كنت عاملة نص كيلو )
تبلتها ب : - بصلة مبشورة او مفرومة فى الكبة
- كاتشب
- ملح
- فلفل
- بهارات الشوى
- هيل
- زنجبيل مطحون
- بابريكا
- صلصة الستيك ( اختيارى )
- دبس الرمان ( شوية صغيرين اوى )
- خل عنب ( اختيارى )
- خل عادى
- و ممكن تضيفى اى بارات تانية تحبيها
التحضير:
- الفراخ بعد ما سيبتها فى التتبيلة من بالليل لحد الصبح
- ( بس مش لازم تعملى كده ممكن 3 او 4 ساعات كفاية اوى يعنى )
- و قبل الشوى بشوية حطيت عليها شوية صغيرين اوى صويا صوص
- حطيتهم على الشواية الساخنة و بدأت اشوى
- و بعد ما قلبتها اخدت التتبيلة اللى كانت منقوعة فيها صفيتها من البصل و كده و بفرشاة مشيت على
- الفراخ و هية مقلوبة عشان تحافظ على طراوتها
- و بعدين طلعتهم
- لا بجد دى حاجة فى منتهى السرعة و الله كنت نسيت اد ايه اكل الدايت كان مريح و مش بياخد وقت
- لذلك و من هنا قررت أعمل لجوزى دايت غصب عنه
- و قدمتهم مع بطاطس مهروسة و رز بالجزر ( حبيبى الرز ده
ملاحظات: طريقة عمل صدور فراخ مشوية دايت
- نسيت أقولكوا أهم حاجة لما نطلع الصدور نسيبها ترتاح 10 دقايق كده انا عارفة ان الدنيا برد و الفراخ
- هتموت من الساقعة بس معلش عشان تفضل طرية و العصارة تتوزع فيها من تانى مظبوط و نبقى
- نسخنها فى الميكروويف او الفرن قبل ما نقدمها
