طريقة عمل شوربه كريمه الدجاج والمشروم
المزيد من المشاركات
المقادير:
- شويه شطه وملح وفلفل وحته فراخ مش كبيره على حسب الكميه
- مشروم ومش شرط لو مش بتحبيه
- كوبايه لبن ودقيق
التحضير:
- هتجيبى معلقه دقيق كبيره مش كبيره اوى يعنى بتاعت الاكل مش تجيبى مغرفه الشوربه وتحطى بيها هبل
- وكوبايه لبن 200 مل تقريبا
- وتحطيهم فى حله صغنتوته وتحطى فوقيهم رشه ملح ورشه فلفل ورشتين شطه ونص رشه بهارات
- كل واحد على اد رشته بقى
- وتروحى حطاها على نار متوسطه وتقعدى تقلبى بسرعه جامد جامد
- واول ماتحسى ان الدقيق داب فى اللبن
- حطى الفراخ اللى مقطعاها حتت صغننه والمشروم
- واقعدى قلبى
- هتلاقيه خفيف شويه متخافيش هيتقل اول مايغلى
- وتفضلى تقلبى فيه لحد مايغلى واول مايغلى هتلاقيه تقل
- طب لاقيتيه تقل اوى تعملى ايه
- ولا يهمك ياجميله
- حطى شويه لبن
- طب لو لاقيتيه خف
- حطى شويه دقيق
- بس واول مايخلص غليان شيليه من ع النار وحطيه فى سلطانيه