طريقة عمل شوربه النابت
المقادير
-
- شوربه النابت من الالف لطبق التقديم مع ام حور
- طماطم مقطعه
- ليمون مقطع شرايح
- توم بودر
- بصل بودر
- كمون
- ملح
- فلفل اسود
- مكعب مرقه دجاج
- فصين توم شرايح معلش ما اتصورش
- وطبعا الفول بتاعنا
التحضير:
- طبعا بتغسليه يا فتوكه وتنقعيه
- ولازم الميه تكون غمراه كله
- شوفو بعد مرور 24 ساعه
- حجمه اتضاعف ازاى
- نجيب بقى مصفاه وفوطه مطبخ نضيفه نبللها ونعصرها كويس ونفرشها فى المصفاه ونفرد عليها الفول وبعدين
- نغطى بفوطه تانيه برضه مبلله ومعصوره وطبعا الصور هتبين انا اقصد ايه وكمان صورتلكو مراحل تنبيته وهو تقريبا
- بياخد من 5 الى 7 ايام مع مراعاه ان الفوطه العلويه دايما تكون مبلله وبتحطيه فى مكان تهويته جيده وبعيد عن الشمس
- يعنى على ترابيزه المطبخ مثلا فوق الثلاجه وطبعا المصفاه بتكون على طبق عشان لو اتسرب منها ميه
الطبخ: طريقة عمل شوربه النابت
- فى حله على النار نضيف كل المكونات
- على ميه تغلى وننزل بالفول
- حتى تمام السوا
- وبعدين قبل ما نطفى النار بشويه
- نجيب طاسه فيها معلقتين زيت نباتى على فصين الثوم اللى نسينا نصورهم فاكرين هههههه ومعلقه كزبره جافه
- مطحونه ونعمل زى تقليه الملوخيه
- ونضيفه للفول وشمى بقى احلى ريحه