طريقة عمل شوربه الكريمه بالبصل والفراخ

• • الكمية تكفي: شخصين
  • وقت التحضير: 5 دقائق
  • وقت الطهي: 15 دقيقة

المقادير:

• • قطعه بانيه واحده ( خدتها من بانيه كنت متبلاه وعملت معاه مكرونه ))
    كوب لبن 
  • 2 معلقه كريمه لبانى 
  • 2 معلقه كبيره دقيق 
  • 3 معالق زبده 
  • بصله صغيره مقطعه جوانح 
  • نص كوب شوربه او ميه 
  • ورق لورا 
  • ملح وفلفل

التحضير:

• قطعت قطعه البانيه لقطع صغيره ع شكل مكعب

الطبخ:

• ف طاسه تيفال حطيت معلقتين زبده كبيره وضيفت الفراخ وسيبتها حوالى 3 دقايق تتشوح
• شيلت الفراخ وحطيت مكانها البصل الجوانح يدبل شويه
• واول م البصل يدبل ويغير لونه نضيف الفراخ تانى وعليها الشوربه والملح والفلفل وورق اللورا ونسيبها تغلى شويه
• ف حله تانيه نحمر الدقيق ف معلقه ذبده لحد م يغير اللون
• نضيف اللبن ونقلب كويس ( عشان م يكلكعش ) وانا هنا بشيل الحله من ع النار لحد م قلب وارجع احطها تانى
• نضيف الفراخ والبصل ونسيبها دقايق تغلى ( لو حستيها تقيله شويه تخففيها بشوربه الفراخ أو بلبن
• نضيف معلقتين الكريمه ونظبط الملح والفلفل
• وبالف هنا وشفا