طريقة عمل شوربة البصل الفرنسيه بالطريقه الامريكيه
المزيد من المشاركات
- نوع الوصفة: شوربة – حساء
- محتوى الوصفة: نباتي
- درجة الصعوبة: سهلة
- خصائص: سريعة التحضير محببة للاطفال
- الكمية تكفي: شخصين
- وقت التحضير: 10 دقائق
- وقت الطهي: 20 دقيقة
المقادير:
- 4 بصلات وسط يفضل البصل الاصفر ويقطع على شكل نصف حلقه
- فصين ثوم مفرومين
- معلقتين كبار زبذه ومعلقة زيت عباد او ذره او زيتون
- نصف معلقه صغيره سكر
- نصف معلقة صغيره زعتر ناشف او عودين زعتر فريش
- 3 معالق كبار دقيق
- ملعقتين خل عنب
- 7 كوب مرقة لحمه
- 3 كوب مرقة فراخ
- ملح وفلفل اسود
- جبنه ممكن بارميزان وانا استعملت خليط من الموزريلا والشيدر
التحضير: طريقة عمل شوربة البصل الفرنسيه
- نجيب حله كبيره علشان البصل يستوي بسرعه
- نقطع البصل نصف حلقه رفيعه
- ونحط معلقتين زبده ومعلقة زيت ونسخنهم شويه وبعدين نحط البصل
- بصوا بئه النار لازم تكون هاديه علشان احنا مش عايزين البصل يتحمر ناشف احنا عايزينه يتكرمل يعني يبئه بني
- بس طري اوي
- نزود نص معلقة السكر علشان الكرمله ونستمر نقلبه كل شوية لمدة ساعة
- عملية الكرمله ده اخدت ساعه واوعي تعلي النار وتحرقي البصل اصبري عليه لان اهم حاجه في الشوربه ده هي
- الكرمله
- لما توصلي للون المطلوب زودي التوم المفروم
- ونص معلقة الزعتروقلبي شويه لحد ماريحة التوم تطلع بس ماتحمرهوش يعني ماتخليهووش بني يادوبك يشم النار
- وبعدين زودي 3 معالق الدقيق
- بعدين حطي معلقتين الخل العنب او العادي زي ما استخدمته وزودت معلقتين من الوستشاير صوص
- وبعدين حطي كوبايات الشوربه كلها وتقدري دلوقتي تعلي النار
- حمصي العيش الفينو
- اعملي في طاجن كبير او طبق بايركس غويط
- صبي الشوربة في الطواجن الصغير او الكبيره او ماجات الشوربه
- وحطي قطعه او قطعتين عيش على الوش وبعدين خليط الجبنه الموزريلا والشيدر او البارميزان لو عندك
- ممكن ترشي رشة زعتر على الوش
- ودخليهم الفرن لحد مالجبنه تسيح