طريقة عمل شوربة البصل الفرنسية الاصلية بالطريقة الامريكية

طريقة عمل شوربة البصل الفرنسية الاصلية بالطريقة الامريكية

ريقة عمل طريقة عمل شوربة البصل الفرنسية بس بالطريقة الامريكية

طريقة عمل شوربة البصل الفرنسية الاصلية بالطريقة الامريكية

  • نوع الوصفة: شوربة – حساء
  • محتوى الوصفة: عام
  • درجة الصعوبة: سهلة جدا
    • الكمية تكفي: 4 أشخاص
    • وقت التحضير: 90 دقيقة
    • وقت الطهي: 15 دقيقة

المقادير:

طريقة عمل شوربة البصل الفرنسية الاصلية
طريقة عمل شوربة البصل الفرنسية الاصلية
    • 4بصلات وسط يفضل البصل الاصفر ويقطع على شكل نصف حلقه
    • فصين ثوم مفرومين
    • معلقتين كبار زبذه ومعلقة زيت عباد او ذره او زيتون
    • نصف معلقه صغيره سكر نصف معلقة صغيره زعتر ناشف او عودين زعتر فريش
    • 3 معالق كبار دقيق
    • معلقتين كبار خل عنب ( انا ماكانش عندي فاستبدلته عادي
    • كان عندي صوص الوستشاير حاطيت معلقتين منه
    • 7 كوب مرقة لحمه
    • 3 كوب مرقة فراخ -ملح وفلفل اسود
    • عيش فينو بايت او باجيت ( العيش الفرنسي ذي بتاع كارفور)

التحضير:

  • نجيب حله كبيره علشان البصل يستوي بسرعه
  • نقطع البصل نصف حلقه رفيعه
  • ونحط معلقتين زبده ومعلقة زيت ونسخنهم شويه وبعدين نحط البصل
  • بصوا بئه النار لازم تكون هاديه علشان احنا مش عايزين البصل يتحمر ناشف احنا عايزينه يتكرمل يعني يبئه بني
  • بس طري اوي
  • نزود نص معلقة السكر علشان الكرمله
  • ونفضل نقلب كل 5 دقايق لمدة ساعه تقريبا لحد مالونه بيئه كده او اغمق شويه
  • عملية الكرمله ده اخدت ساعه واوعي تعلي النار وتحرقي البصل اصبري عليه لان اهم حاجه في الشوربه ده هي الكرمله
  • لما توصلي للون المطلوب زودي التوم المفروم
  • ونص معلقة الزعتر
  • وقلبي شويه لحد ماريحة التوم تطلع بس ماتحمرهوش يعني ماتخليهووش بني يادوبك يشم النار
  • وبعدين زودي 3 معالق الدقيق
  • بعدين حطي معلقتين الخل العنب او العادي زي ما استخدمته وزودت معلقتين من الوستشاير صوص
  • وده الصوص والليبل بتاعه
  • وبعدين حطي كوبايات الشوربه كلها وتقدري دلوقتي تعلي النار الحمد لله يارب
  • اصلي اتذاليت علشان البصل يتكرمل بس شوربه تستاهل صراحه
  • وحطي ملحك وفلفلك زي ماتحبي
  • وعقبال ما الشوربه تغلي بئه (حوالي نص ساعه على نار وسط ) سخني الفرن
  • لو عندك العيش الفرنسي الباجيت مش حاتحتاجي تحمصيه بس انا قلتلكم ما كانش عندي
  • كان عندي عيش فينو بايت قطعته نصين وفتحته
  • وقشرته الطبقه اللي فاضيه ماعادا الجناب عادي
  • وحطيته في الفرن يتحمص شويه زي الصوره
  • طريقة عمل شوربة البصل الفرنسية الاصلية

الطبخ: طريقة عمل شوربة البصل الفرنسية الاصلية

  • حضري بئه ماجات الشوربه( انا دخلتها الفرن عادي بس عملت احطياتي حطيتها فوق صنيه علشان لو اتكسرت) او
  • الطواجن الصغير لو ماعندكيش اعملي في طاجن كبير او طبق بايركس غويط
  • خلاص كده الشوربه غليت حوالي نص ساعه والعيش جاهز
  • صبي في الطواجن الصغير او الكبيره او ماجات الشوربه
  • وحطي قطعه او قطعتين عيش على الوش وبعدين خليط الجبنه الموزريلا والشيدر او البارميزان لو عندك
  • ممكن ترشي رشة زعتر على الوش
  • ودخليهم الفرن لحد مالجبنه تسيح

ملاحظات: طريقة عمل شوربة البصل الفرنسية الاصلية

  • بالنسبه للبنات اللي بتنقي البصل من الخضار وتشيلوا فاهمني طبعا .. مانصحهمش بالشوربه ده علشان كلها بصل طبعا
4/5 (1 Review)
قد يعجبك ايضا
اترك رد

لن يتم نشر عنوان بريدك الإلكتروني.