طريقة عمل شاورما الفراخ وعيش التورتيلا

• • الكمية تكفي: 5 أشخاص
  • وقت التحضير: 30 دقيقة
  • وقت الطهي: 15 دقيقة

المقادير:

• • 3كوب دقيق
  • ملعقه ونص كبيره خميره فوريه
  • 3 ملعقه كبيره لبن بودر
  • ملعقه صغيره سكر
  • ملعقه صغيره ملح
  • ملعقه كبيره زيت ذره
  • ماء دافى للعجن

التحضير:

• نعجن المقادير مع بعضها لحد ما تبقى ناعمه
• ونغطيها ونسيبها تخمر كويس
• وبعدين نبلل ايدينا دقيق ونقسمها كور صغيره
• وبعد كده رشيت دقيق على الرخامه وبدات افردها
• لعمل الشاورما
• نسلق فرخة نص سلقة ونفصصها على شكل شرايح

الطبخ: طريقة عمل شاورما الفراخ وعيش التورتيلا

• لتسوية العيش
• جبت طاسه تيفال وحطيتها على نار هاديه وحطيت فيها نقطه زيت وجبت منديل ومسحتها كلها
• وبعدين شيلت العجينه بالراحه وحطيتها
• ونستنى لما تحسى انها جمديت واستوت من تحت نقلبها على الوش التانى لحد ما تستوى
• ونحطها على طول فى فوطه نظيفه ونغطيها علشان تفضل طريه مش تنشف
• لتسوية الشاورما
• قطعت بصل وفلفل اخصر وممكن حامى
• وحطيت فى حله شويه صغننين زيت وحطيت فيه البصل والفلفل وشوحتهم كويس لحد ما دبلوا خالص
• وبعدين حطيت عليها الفراخ وتبلتها بـ ( ملح – فلفل – رشه بسيطه بهارات لحم – بهارات فراخ – وملعقه صلصه طماطم )
• وقلب كويس وسبتها شويه على النار يكملوا سوى مع بعض ولما يستوى تمام بحط عليها نص فنجان خل ابيض
• نجيب العيش ونفرد فيه مايونيز وكاتشب ومسترده وبعدين الشاورما وممكن طماطم

• طريقة عمل ساندوتش المينى هامبرجر