- الكمية تكفي: 4 أشخاص
- وقت التحضير: 30 دقيقة
- وقت الطهي: 10 دقائق
المقادير:
- هوت دوج مقطع حلقات
- بصلة كبيرة مقطعة شرايح
- 3 فصوص ثوم مقطعين
- 2 حبة طماطم مقطعة قطع صغيرة
- معلقة صلصة
- ربع كوب مية
- 3 قرون فلفل حامى مقطع شرايح
- بقدونس مقطع
- ملح + فلفل + بهارات + كارى + زعتر + شطة + بابريكا حلوة
- زبدة او سمنة للقلى
- مستردة
- عيش فينو
- مايونيز او تومية زى ما تحبوا
- و كمان جبنة للتزيين
التحضير:
- هتجيبى طاسة تحطى فيها شوية سمنة و حبة زيت
- هتضيفى البصل و التوم و الفلفل الاخضر و تقلبى توطى النار شوية علشان الخضار يستوى معاكى بعد كدة يا
- ستى هتضيفى الهوت دوج اللى انتى قطعتيه و اوعى تطبخيه قبل ما تضيفيه
الطبخ: طريقة عمل سندوتشات هوت دوج
- و هتضيفى حوالى 3 ملاعق مستردة كبيرة
- دلوقتى بقى هتضيفى الطماطم المقطعة و صلصة الطماطم و تقلبى لمدة دقيقتين
- و طبعا هتضيفى الملح و الفلفل و البهارات
- اول ما يبدأ الخليط يغلى يا ستى تروحى ضايفة البقدونس و تقلبى و تضيفى ربع كوباية المية و توطى النار خالص و
- تسيبى المواضيع تستوىو لما تستوى بقى يا ستى و المية تنشف تطفى النار و لو عاوزة تحطى جبنة على الخلطة
- و هى سخنة هيكون احلى و احلى بعدين هتدهنى السندوتش مايونيز و تحطى الهوت دوج و عليه مستردة و جبنة
- و بالهنا و الشفا