- الكمية تكفي: 4 أشخاص
- وقت التحضير: 60 دقيقة
- وقت الطهي: 20 دقيقة
عناصر المحتوى
المقادير:
- سمك بلطي
- توم
- فلفل رومى
- ملح وكمون كتير
- عصير ليمون
التحضير:
- طبعا السمك البلطي تجيبيه وتنضفيه بالملح والدقيق والخل
- وبعدين تعملي التتبيلة بتاعته
- عبارة عن توم مبشور وفلفل رومي مبشور وملح وكمون كتير وعصير ليمون
- تحشي كل سمكة بالتتبيلة دي كويس
- وبعدين تحطي السمك في كيس بلاستيك كبير
- كل نص ساعة كده اقلبي الكيس على جنب من الجوانب
- سيبي السمك في التتبيلة على الاقل ساعتين
الطبخ: طريقة عمل سمك بلطي مقلى
- وبعدين طلعيه من التلاجة وابتدي حطي كل سمكة في الدقيق
- وتقلبيها كويس في الدقيق لغاية ماتتغطى كويس بيه
- امسكي السمكة بصوابعك كويس من عنيها ونفضي الدقيق الزايد اللي عليها
- خدي بالك من اللي جاي ياقمر
- هاتي البخاخة
- وامليها ميه وامسكي السمكة من عنيها بصوابعك
- ورشي عليها مية من البخاخة لغاية ماتحسي ان الدقيق كله اللي على السمكاية اتشرب مية
- لاحظي الفرق بي السمكتين قبل وبعد
- ولاحظي ان السمكة شربت المية ومش بتنقط مية نهائي
- تكوني بقى محضرة طاسة غويطة فيها زيت غزير سخن وتنزلي فيه السمكة علطول ياقمر ولو الطاسة بتاخد
- سمكتين تحطيهم عكس بعض يعني راس جنبها ديل
- وتخلي النار عالية وتقلبيهم باستمرار كل شوية على جنب من الجناب لغاية ماتستوي كويس طلعيهم على مناديل
- المطبخ ورشي على كل سمكة كمون وكسبرة ناشفة بسرعة وهية سخنة
- بالهنا والشفا
