طريقة عمل سمكه شعري في الصينيه في الفرن
- الكمية تكفي: 4 أشخاص
- وقت التحضير: 60 دقيقة
- وقت الطهي: 45 دقيقة
عناصر المحتوى
المقادير:
- سمكة كبيرة
- راس توم
- بشر ليمونه كبيره
- عصير ليمونتين كبار
- عصير بصلايه كبيره
- فلفه رومي كبيره وقرنين فلف اخضر او احمر حراق
- معلقه صلصه كبيره
- معلقه بشر جنزبيل
- ملح فلفل اسود كمون كزبره ناشفه شطه حاميه
- رشه قرنفل ورشه قرفه ورشه حبهان مطحون
- معلقتين زيت ذره
التحضير:
- وحطي كل المكونات في الكبه واطحنيهم لغايه مايبقي معجون ناعم جدا
- بعد كده امسكي السمكه بعد ماتنضفيها كويس اوي وتعملي فيها شقوق علي كل وش
- وتغسليها بملح وبعدين تغسليها بمايه وتصفيها كويس
- امسكيها بقي ادعكيها بالتتبيله دي من بره ومن جوه كويس اوي وفي الشقوق اللي علي السطح يعني م الاخر
- كل خرم ابره خليه يشرب التتبيله
الطبخ: طريقة عمل سمكه شعري في الصينيه في الفرن
- وبعدين يابنات احشيها من جوه بالخلطه دي
- توم بصل طماطم كرفس شبت نعناع بقدونس كزبره مقطعين قطع كبيره ومملحين وعليهم معلقه زيت كبيره واملي
- السمكه علي الاخر لانها كده كده الخضار هينزل المايه وهيدبل
- وتحطي تحت السمكه بقي بطاطس وطماطم وفلفل وبصل وتوم حلقات عليهم تتبيلتهم وزيتهم وملحهم
- المهم بقي تسيبي السمكه تاخد وتدي مع التتبيله دي بعد ماتغطيها بالفويل في التلاجه من بالليل للصبح
- وتدخليها علي فرن حامي ربع ساعه وبعدين توطي الفرن كمان ربع ساعه وبعدين تشيلي ورق الفويل علشان
- الوش يتحمر ويبقي حلو كمان ربع ساعه
- طبعا علي حسب نار فرنك وحجم السمكه واضح طبعا
- وكلي احلي صينيه سمك ممكن تدوقيها في حياتك ولا الخضار اللي تحت السمكه يهوس والله ويتاكل حاف
- ويتغمش بعيش وعيشي حياتك بقي
- بالهنا والشفا
