- الكمية تكفي: 3 أشخاص
- وقت التحضير: 30 دقيقة
- وقت الطهي: 30 دقيقة
المقادير: طريقة عمل رولات اللحم المحشوة
المزيد من المشاركات
- 3 شرايح بوفتيك طازة مفرودة
- بصلة مفرومة
- توم هوت دوج مقطع صغير
- مشروم مقطع ( لو عندك طازة يبقى أحسن مش عندك المعلب شغال )
- بيبرونى أو سلامى مقطع صغير ( انا كنت لسه مطلعاه من الفريزر حالا و عليه تلج اهو فا مكنتش لسه قطعته )
- معلقة بقسماط صغيرة مليانة ( انا كان عندى بقسماط جاهز سبايسى حطيته طلع جامد )
- جبنة شيدر
- جبنة موتزريلا
التحضير: طريقة عمل رولات اللحم المحشوة
- هنجيب مقلاه و نحط فيها شوية زيت زيتون ( انا بحب استخدم زيت الزيتون فى الأكل لو مش بتحبى الزيت العادى يفى بالغرض )
- نحطه فى المقلاة على النار و بعدين نحط البصل و التوم و شوية ملح و فلفل صغيرينو نقلبهم و نشوحهم شوية صغيرين
- و بعدين نحط الهوت دوج قبل ما البصل يدبل
- و اول ما نلاقى الهوت دوج شبه استوى نضيف البيبرونى عشان يتحمر شويه بس فى نفس الوقت يفضل طرى
- و اخر حاجة نضيف المشروم
- و طبعا كلكم عارفين انه بينضاف اخر حاجة عشان مينزلش مايته من الحرارة و فايدته تروح
- و ده بالأخص للمشروم الطازة بس انا هنا حطيت المعلب وحطين نص المقدار اللى عندى بس
- و بعدين نضيف البقسماط
- و نقلبه مع باقى الخلطة على النار و بعدين نطفى عليه
- و هنا الحشو خلص
- نرجع للحم هنتبله دلوقتى بالملح و الفلفل من جوه بس
- و قبل ما نحشى على طول مش نتبله و بعدين نروح نعمل الحشو
- هنا تبلتها
- و نقسم الحشو على 3 أجزاء كده
- و نبدأ نحشى كل قطعة بوفتيك بالطريقة دى
- و نحط فوقها قطع شيدر و الجبنة الموتزريلا
- و نلفها كويس بالراحة
- و نعمل الباقيين كمان بنفس الطريقة
- و بخلل الأسنان نقفلها كويس عشان ما تتفتحش مننا ( فى الشكل النهائى مش هتبان خالص ما تقلقوش
الطبخ: طريقة عمل رولات اللحم المحشوة
- و فى نفس المقلاة اللى عملنا فيها الحشوة من غير ما تغسلوها هنحط شوية زيت صغيرين و حتة زبده صغيرة اوى
- ( انا بحس ان اللحمة لما بتتشوح بزبدة طعمها النهائى بيكون أحلى )
- و اول ما الزبدة تسيح نحط اللفائف دى
- هنا اول ما حطيتها
- لمل ضهرها بدأ يبيض شوية
- و نقلبها على جميع الجوانب عشان تاخد لون و تتحمر
- و بعدين نضيف معلقة دقيق كبيرة
- و نقلبه كويس و بعدين نضيف شوية قرفة
- هنا ضيف القرفة و لسه مقلبتهاش
- و نقلبه كويس و بعدين نضيف شوية قرفة
- هنا ضيف القرفة و لسه مقلبتهاش
- و بعدين نضيف المرق
- انا حطيت تقريبا كوباية و نص
- هنا برضه قبل ما أقلب المرق مع اللحم بصوا الصوص خفيف ازاى
- هنا قلبت الصوص و عليت النار شوية عشان الخليط يغلى
- شوفوا الخليط تقل ازاى بسرعة اول ما اتقلب و غلى
- هنشيل بقى الرولات دى نوديها بايركس و نشيل منها خلل الأسنان بالراحة هتلاقيها بتطلع بسهولة اوى و لو
- اتكيتى على اللحم هتلاقيه طرى اوى
- فاكرين نص مقدار المشروم اللى سيبناه ؟
- ناخده نحطه على الصوص اللى شيلنا منه اللحم
- نسيبه ياخد غلوة واحدة مش أكتر
- و نطفى عليه
- و نروح للبايركس اللى فيه الرولز دى و نحطه عليهم و نحطه فى فرن نكون مسخنينه من شويه
- انا هنا زودت شوية كريمه تغيير عن كل مرة
- و فى الحالتين الصوص حلو
- بس أكيد من غير كريمه هيكون اخف للى بيخافوا على وزنهم
- بس انا رفيعة جدا فا قلت أغير حاجة عن كل مرة
- و دخلته الفرن
- و هنا لما طلع من الفرن
طريقة عمل رولات اللحم المحشوة