- الكمية تكفي: 4 أشخاص
- وقت التحضير: 30 دقيقة
- وقت الطهي: 40 دقيقة
عناصر المحتوى
المقادير:
- دقيق
- ملح
- ماية
- زبادى
- زيت
- سكر
التحضير:
- عجينته سهلة جدا
- دقيق عليه رشة ملح ورشة سكر
- وبعدين ضيفت عليهم زبادى وزيت
- وقلبتهم مع بعض
- وكانت العجينة مفرولة شوية بالشكل ده
- وبعدين كملت العجن باضافة مياه قليلة
- بضيفها شوية بشوية لحد ماتلم العجينة معانا
- ونعجنها كويس اوى وهتبقى بالشكل ده
- وتفتح وتبقى ناعمة نغطيها ونسيبها ترتاح شوية وتبقى كده
الطبخ: طريقة عمل رقاق طرى
- وبعدين نقطعها كور صغيرة او على حسب الحجم اللى انتى عايزاه
- انا عملتها صغيرة على حسب حجم
- الطاسة التيفال
- اللى سويتها فيها بعد ماقطعتها سيبتها شوية ترتاح بردو
- علشان نعرف نفردها كويس
- وتبقى طرية وجميلة كده
- واجهز عدتى بقى
- طبق كبير وفيه فوطة نضيفة
- وطبعا بطل القصة
- الطاسة الجميلة بتاعتنا
- بنسخنها كويس اوى وعلى بال ماتسخن
- نفرد الرقاق واحده واحده بالشكل ده وانا برحه على ايدى علشان يبقى رقيق وخفيف
- بالشكل ده ونفردها فالطاسة ونهدى النار عليها بحيث مش تتحرق منك
- ولا تتلسع وتبقى مستوية كويس شايفين بعد مابدأت تستوى
- بقت عاملة ازاى وازاى اتنفخت وقبت
- اقوم قالباها على طول بقى عالوش التانى شايفين الحمار والجمال ياجماله ياجماله
- واكون مجهزة التانية وهكذا
- وعلشان الوقت بقيت افرد اكتر من واحده بالشكل ده بحيث مضيعش وقت لانها مش بتاخد وقت
- مجرد ثوانى لكل وجه
- وكل واحده تخرج احطها على طول فالطبق والفها بالفوطة
- علشان يفضل طرى وسخن كمان
- ومش ينشف منك
