طريقة عمل دجاج كنتاكى بأبسط المكونات والخلطة السرية
- الكمية تكفي: 6 أشخاص
- وقت التحضير: 25 دقيقة
- وقت الطهي: 45 دقيقة
المقادير:
- فرخة مقطعة
- مقادير الخلطة السرية
- 2 طماطم
- + معلقتين خل كبار
- 3 قرون فلفل حراقين جدا
- شطة
- قليل من الكمون
- فلفل اسود
- ملح
- مياة للعصر ولازم يبقى الفلفل حراق جدا وحامى
- تتبيلة الفراخ
- شطة
- فلفل اسود
- فصين حبهان
- شوية كمون صغننة اوى وشوية مياة
التحضير: طريقة عمل دجاج كنتاكى بأبسط المكونات والخلطة السرية
- نشوف بقى طريقة الدجاج كنتاكى وسر الخلطة السبايسى بجد ومش مكلفة وانا جربت الطريقتين الى هى
- بالتوابل الكتيرة والبابريكا ونقعتهها فى ذبادى بس دى سهلة اوى وهتعجبكوا
- اول حاجة الخلطة الى بقول عليها سرية بقى
- 2 طماطم + معلقتين خل كبار + 3 قرون فلفل حراقين جدا _ شطة _ قليل من الكمون _ فلفل اسود _ ملح
- مياة للعصر ولازم يبقى الفلفل حراق جدا وحامى
- كل دول حنحطهم فى الخلاط ونخليهم على فكرة الخلطة دى بتبقى طعمها حلو جدا وخصوصا فى الارز البسمتى
- وهى اصلا صلصة نوع أرز اسمة المندى اكيد عارفينة
- المهم دى هنعملها ونركنها على جمب
- ونجيب طبق تانى نحط فية شوية ( شطة _ فلفل اسود _ _ فصين حبهان -شوية كمون صغننة اوى وشوية مياة )
- ونقلبهم ودى الى هنحطها فى الحقنة ونحقن بيها الفراخ من جوة عشان طعمها وتبقى سبايسى
- ودة شكلها
- وهنجيب دقيق ونرش علية شوية مياة ونقلبة لحد مايبقى مفرول يعنى نديلة مياة ببخاخة مثلا او نقطى بأيدك
- لكحد ما تفركية بس يكون مش ناعم للاسف انا صورة الخطوة دى بس مش ع ارفة الصورة راحت فين للاسف
- طبعا هنكون سالقين الفراخ عادى بس مانخلهاش مهرية يعنى ونشيل الجلد ونحط عليها من الخلطة الى عملناها
- بالصلصة وهتبقى شكلها زى كدة
- وبعد كدة هنجيب الحقنة ونملاها من الخلطة العادية الى من غير صلصة
- ونحقن الفراخ من الوش والضهر
- ونحطها فى الدقيق وجبسى الفراخ كدة حلو يعنى خلى الدقيق من كل حتة فيها ويكون كتير
- زى كدة وطبعا الدقيق باين شكلة من الجنب اهوة
- ودة الورك المرحوم بقول لماما ياعينى الفراخ دى متبهدلة وهى صاحية وبعد ماتذبح كمان يعنى شقيانة ياعينى
الطبخ: طريقة عمل دجاج كنتاكى بأبسط المكونات والخلطة السرية
- وهنا بقى جة دور القلى طبعا ملو هنجيب قلاية كبيرة وغويطة هتاخد حوالى 4 زجاجات زيت انا عملت اية بقى
- جبت لبانة من الى بتيجى مع الطقم التيفال ومخلياها لقلى الحجات دى بملاها زيت بتاخد حوالى زجاجة الا ربع
- زيت وخلي ت الزيت يسخن جدا وحطيت فية الفراخ يعنى بحيث انها تبقى عايمة فى الزيت مش لامسة الحاجة
- الى بتتقلى فيها
- ودة بقى شكلها بعد ما طلعت وطعمها والله جميل جدا
- طريقة عمل دجاج كنتاكى بأبسط المكونات والخلطة السرية
وللعشاء هنا تجدو اكثر من الف وصفه
