- الكمية تكفي:4 أشخاص
- وقت التحضير:10 دقائق
- وقت الطهي:30 دقيقة
عناصر المحتوى
المقادير:
- فرخه كامله مقطعه 8 قطع
- لتر لبن
- بصلة صغيرة
- ملح وفلفل
- معلقة كبيرة بصل بودر
- معلقة صغيرة توم بودر
- معلقة صغيرة بابريكا
- شطه (اختيارى)
- حبهان
- ورق لورا
- معلقة صغيرة جنزبيل مطحون
- معلقة صغيرة توابل فراخ
- بيضتينكوب كورن فليكس سادة
- دقيق
الطبخ: طريقة عمل دجاج كنتاكى المقرمش
- أول حاجة هنحط اللبن على النار علشان يسخن
- وبعد ما يسخن نضيف عليه (الملح والفلفل والشطة والجنزبيل والبابريكا وتوابل الفراخ والحبهان وورق اللورا والتوم
- والبصل البودر)
- وبعد كده نضيف البصلة الصغيرة و الفراخ
- ونسيبهم على النار حوالى نص ساعه ونتابعهم كل شوية علشان اللبن ميفورش
- نحط الكورن فليكس فى كيس ونبدأ نطحنه بالشكل ده
- ميبقاش ناعم أوى ولا خشن أوى
- نحط الدقيق والكورن فليكس وعليه ملح وفلفل وشوية بابريكا وشطة علشان تبقى سبايسى
- نحط بقى البيض فى بولة وعليه شوية ملح وفلفل ونضربهم مع بعض
- هنا بقى الخطوة دى مهم
- نحط الفراخ وحده وحده على الدقيق اللى جهزناه
- ونحطها فى البيض
- وبعد كده نرجعها فى الدقيق مرة تانية
- وبعد ما خلصنا الكمية كلها
- هنسبها ترتاح شوية فى التلاجة علشان متفكش منك وانتى بتقليها
- على ما ترتاح شوية فى التلاجة
- نقطع بطاطس صوابع رفيعه علشان نزين بيها الطبق مع الفراخ
- طبعا كلنا بنعرف نعمل البطاطس المحمرة بس زيادة تاكيد هنحمرها فى الزيت ونطلعها على مناديل مطبخ علشان
- بيمتص الزيت الزيادة
- نرجع بقى للفراخ
- هنحمرها فى زيت غزير يادوب تاخد لون لانها اصلا مستوية فى اللبن
- ونقول بسم الله ونبدأ نجهز الطبق اللى هنقدم فيه
- نحط شوية بقدونس والبطاطس والفراخ
- وده الشكل النهائى للطبق
