طريقة عمل دجاج تندورى ورز وبطاطس باكستانى
- الكمية تكفي: 4 أشخاص
- وقت التحضير: 30 دقيقة
- وقت الطهي: 30 دقيقة
عناصر المحتوى
المقادير:
- فرخة منزوعة الجلد و متبلة
- مقادير التتبيلة
- زبادى
- 3 فصوص توم كبار
- معلقة كبيرة بابريكا
- معلقة صغيرة معلقة شطة
- قطعة جنزبيل
- انا استعملته فريش لكن البودرة شغالة بردو
- معلقة صلصة
- كمون
- وكسبرة
- وكارى
- وقرنفل وحبهان
- واضربى كله فى الكبة وحطيها على الفراخ فى الكيس وعلى التلاجة
- بطاطس
- مقاديرها
- توابل
- (كمون حصى – كراوية حصى – كسبرة مطحونة – قرفة – حبهان حصى – قرنفل- جنزبيل – جوزة الطيب لو حبيتى)
- وانا حطيت كيس توابل بالزعفران بيدى لون اورانج كدة
- بطاطس – بسلة – طماطم مستوية – حمص طبيخ منقوع – 4 فصوص توم
- رز بسمتي
- توابل الرز نفس توابل البطاطس
التحضير: طريقة عمل دجاج تندورى ورز وبطاطس باكستانى
- فى الصينية حطى زيت وعليه التوابل تتحمر بس اوعى تحرقيها زيى !
- وعليهم الحمص وتقلبيه ثوانى بعدين حطيى البطاطس
- متقطعة مكعبات كبيرة ومغسولة
- تقلبية ومعاهم البسلة والتوم المفروم
- ولما تتشوح كويس حطى الطماطم مضروبة فى الخلاص ومعاها معلقة صلصة
- وغطيى عليهم لحد ماتستوى وشمى الريحة التحفة
الطبخ:
- نيجى بئة لحبى الكبير الرز
- انا عملته باللوز وهو اصلا مش فى الوصفة الاصلية
- بس قلت ادلع الطبق شوية اكتر مع انه مش محتاج لان ريحته وطعمه بيكون تحفة
- واستعملت الرز البسمتى
- التوابل ( نفسها للبطاطس )
- اولا حمرت اللوز عشان يدي من طعمه للزيت وشيلته فى طبق برة عشان ازين بيه الطبق
- حطيت التوابل فى الزيت اتحمرت ونزلت الرز عليها اخد تحميرة بتاع دقيقتين
- وبعدين المية نفس معيار الرز المصرى كوباية رز وكوباية وربع مية
- ووطيت عليها لحد ما استوى وبئة رهيب
