طريقة عمل حواوشى خطوة بخطوة بالتفصيل

طريقة عمل حواوشى خطوة بخطوة بالتفصيل

طريقة عمل حواوشى خطوة بخطوة بالتفصيل

  • نوع الوصفة: اطباق رئيسية
  • محتوى الوصفة: معجنات
  • درجة الصعوبة: سهلة جدا
  • خصائص: سريعة التحضير
  • الكمية تكفي: 4 أشخاص
  • وقت التحضير: 30 دقيقة
  • وقت الطهي: 30 دقيقة

المقادير:

طريقة عمل حواوشى خطوة بخطوة بالتفصيل
طريقة عمل حواوشى خطوة بخطوة بالتفصيل
  • نص كيلو لحمه مفرومه
  • (فى الصوره كيلو بس انا استخدمت نصها بس )
  • 3 بصلات متوسطين
  • قطع دهن بحجم قبضة الايد
  • وهو ده السر وممكن ليه ضانى
  • وعيش بلدى صغير
  • وطبعا ملح وفلفل

التحضير: 

  • الدهن او الليه تبقى احسن متجمده ونبشرها فى المطحنه او الكبه
  • ونحطها على اللحمه
  • هنبشر البصل ناعم ونحطه فى مصفاه عشان يصفى مايته
  • هنحط البصل على اللحمه
  • ونحط رشة من توابل الكفته والملح والفلفل
  • ونعجن الللحمه كويس اوى وده شكلها
  • وهنجيب طماطمتين وفلفلتين
  • وقرنين شطه للى يحب الحراق
  • هنقطع الطماطم براحه علشان متنزلش مايه
  • وتعجن فى العيش
  • ونفرم الفلفل برده
  • وده شكلهم ع اللحمه
  • ونعجن تانى
  • ده العيش هنفتحه من الجنب كله
  • ونبدأ نحشى

الطبخ: طريقة عمل حواوشى

  • هنحشى اللحمه طبقه متوسطه
  • ولا تخينه متستويش
  • ولا رفيعه يبقى ريحة لحمه بس
  • هنا فرمت الفلفل الشطه
  • وحطيته على باقى اللحمه
  • هنجيب كل رغيف وندهنه زيت من الجهتين
  • وهنجيب طاسه ونحط فيها زيت بسيط مش كتير
  • ولما تسخن نحط فيها الرغيف ونخلى النار متوسطه
  • وشويه لما نحس انه اتحمر نقلب الرغيف وهيبقى شكله كده
  • وده شكله من الناحيه التانيه
  • وده شكل اللحمه فى العيش هى بتكش طبعا ومتقلقوش كل الدهن بيسيح وبينزل والعيش واللحمه
  • بياخدوا منه الطعم الحلو بس
  • وببقى مجهزه ورق فويل والرغيف اللى يخلص احطه فيها والفه عشان ميبردش
  • على مااخلص الباقى
  • لو تحبى تسويه فى الفرن براحتك هتدهنى برده كل رغيف بالزيت وتلفيه بالفويل
  • وتحطيه فى الفرن ولما يستوى هتفتحى الفويل وهتسيبه يتحمر ويتحمص
  • والطريقه دى بتخليه مقرمش شويه ومحمص بيبقى حلو اوى برده انما طريقة الطاسه
  • بيبقى طرى وانا بحبه طرى

 

5/5 (1 Review)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *