طريقة عمل حواوشى اسكندرانى
- نوع الوصفة: اطباق رئيسية
- محتوى الوصفة: معجنات
- درجة الصعوبة: سهلة جدا
- خصائص: سريعة التحضيرمحببة للاطفال
- الكمية تكفي: 4 أشخاص
- وقت التحضير: 30 دقيقة
- وقت الطهي: 30 دقيقة
المقادير:
طريقة عمل حواوشى اسكندرانى- عجينه البيتزا ودى كلنا عارفنها وهى عباره عن
- نصف كيلو دقيق حوالى ثلاث اكواب ونصف
- ربع كيلو ماء حوالى واحد كوب ونصف
- 2 معلقه زيت زيتون او اى زيت حوالى ربع كوب
- ومعلقه سكر
- ومعلقه خميره
- ونصف معلقه ملح
- وبس كده
- نيجى بقى لمقادير الحشو نص كيلو اللحمه المفروم
- عليه نصف كيلو بصل مفروم ناعم ومتصفى ميته
- وممكن قطعه دهن وده اختيارى
التحضير: طريقة عمل حواوشى اسكندرانى
- الطريقه هنخلط المكونات الجافه وبعدين ننزل بالزيت والماء ونعجن ولو احتاجت دقيق
- نضيف دقيق لحد متلم العجينه تلم وتبقى كده ونتركها ترتاح وده شكلها بعد ما خمرت وطبعا نكون فى الوقت ده
- بنحضر الحشو البصل المفروم عليه اللحمه وقطعه الدهن اللى فرمتيها
- ونحط معاهم قرنيت فلفل اللى يحبه حراق يحط اختيارى
- ونبتدى نحضر العجينه ونفردها زى ما بتعملى الفطير المشلتت و هاوريك الصور بس خلى المنطقه اللى فى النص
- سميكه عشان تستحمل الحشو والصور هتبين بعدين هنقفلها زى الفطير
- وملحوظه هامه بتفردى العجين بالزيت موش بالدقيق
الطبخ:
- وتدهنى الصاج زيت وتسبيها تريح وبعدين تكملى فرد بايدك زى الصوره وبعدين ندخلها الفرن ويكون حامى يعنى
- شغليه وانت بتفردى العجين
