طريقة عمل جراند رول ساندوتش للشيف محمد حامد
المقادير:
المزيد من المشاركات
- 1/2 كيلو فراخ بانية -ماء بصل -ملح -فلفل-زعتر -عصير ليمونة
- 1/2 كوب زبادي
- 1/4 كيلو جبنة شيدر
- 2كوب بقسماط
- 2بيضة
- كوب دقيق
- جبنة شيدر شرائح (اللي بتسيح علي الهمبورجر)
- تقدم مع خس ومايونيز وكاتشب
- وانا ضفت مسطردة يعني جت عليه
التحضير: طريقة عمل جراند رول ساندوتش للشيف محمد حامد
- الاول دة الجبنة الشيدر اللي عايزينها هيا شبة الجبنة الرومي وليس الجبنة المطبوخة
- ودة الجبنة الشيدر اللي بتسيح علي سندوتشات الهمبورجر
- هنتبل صدور الفراخ فيهذا الخليط لمدة ساعة علي الاقل
- (ماء البصل-ملح-فلفل -زعتر-زبادي-عصير اليمون )
- هنشيل كل صدر ونعصرة من الزبادي والتتبيلة ونفردة بالشكل دة
- هنحط علية الجبنة الشيدر ونلفة زي السويسرول
- وبعدين نكون محضرين بيضة عليها شوية فلفل اسود ومعلقتين لبن
- طبق دقيق
- طبق بقسماط
- هنحط الرول بعد ما لفناها وضغطنا علية اوي
- نحطة في البيض
- ثم الدقيق
- ثم البيض تاني
- ثم البقسماط
- وهيبقي بالشكل دة
- ونخلي بالنا لازم نضغط كويس اووووي عشان ميفكش مننا واحنا بنحمرة
- وهيبقي بالشكل دة واسيبة في الثلاجة يرتاح شوية
- يتم التحمير في زيت غزير
- شوفوا شكلة حلو ازاي
- والجبنة ساحت منة
- اجيب عيش فرنساوي زي بتاع مؤمن يعني هو احسن منا ولا اية
- ونكون مجهزين خس كابوتشي زي دة
- هنحط فوق المايونيز الخس الكابوتشي ثم الجراند رول ثم شرائح الجبنة الشيدر علي الوش
- ثم ازينها بالكاتشب
طريقة عمل جراند رول ساندوتش للشيف محمد حامد
- والمسطردة من عندي عشان متزعلش
- وقدمتها مع البطاطس وسلطة خضراء وسلطة حمص ومخلل
- علي فكرة المخلل دة كلة صنع اديا وحياة عنية والبركة في ام حبيبة حبيبتي عملتة بطريقتها وطلع احلي من بتاع برة
طريقة عمل وريك بالجبنة