- الكمية تكفي: 4 أشخاص
- وقت التحضير: 15 دقيقة
- وقت الطهي: 30 دقيقة
عناصر المحتوى
المقادير:
- بنص كيلو تقاطيع وهي عباره عن ( سجق + كبده + شرائح لحم )
- بصل
- توم
- فلفل الوان
- ملح
- فلفل اسود
- بهار لحمة
التحضير: طريقة عمل تقاطيع
- اول حاجه طبعا هنغسل التقاطيع ونصفيها
- وهنجيب الحله بتاعتنا ويا ريت نستخدم حله مليزقش فيها الاكل ( زي التيفال )
- ونحط زيت و نخرط بصله و نشوح البصله في الزيت
- وهنا البصلة وهي بتتوشح في الزيت وكانت وصلت انها تصفر و تدبل
- وبعدين نحط التقاطيع مع البصلة بعد ما اصفرت
- ونقعد نقلب عشان التقاطيع بتاعتنا تتشوح و تنزل مايتها
- و اول ما نشوفها وصلت للون ده نعرف ان التقاطيع اتشوحت ونزلت مايتها
و بردو ننشف الميه شويه - ودي صورة من فوق للتقاطيع وشكلها في الحله بعد ما تشوحت
- وهنا هنحط الميه بتاعتنا عشان دي لحمة ولازم تستوي
- وهنحطها ع النار ونسيبها بقا تستوي براحتها
- وعلي فكره انا مش هحطط بهارات دلوقتي
- وهنجهز للمرحلة الثانيه 3 فصوص ثوم وبصله كمان و فلفل الوان
- ودي البصله بتاعتنا وانا قطعتها بالطول
- و ده فلفل الالوان بس هما لونهم ابيض اصلهم كانوا في الفريزر انا بحطهم في الفريزر
- و بطلعهم لما بحتاجهم
- وهنا بقا لما اللحمة استوت وطبعا انتي يا قمر بدوقي اللحمة
- وبتشوفي لسه بتشد لسه ولا استوت؟
- انا كانت عندي التقاطيع استوت خلاص
- واهي شكلها وهي مستويه
- وهنا هفضيها في طبق مؤقتا عشان هعمل الحركة بتاعت
- والحله بتاعتنا اهي هنا فاضيه عشان هستخدمها تاني في حاجه
الطبخ: طريقة عمل تقاطيع
- وهحط في الحله البصله بتاعتنا والثوم و الزبده
- وبعدين لما البصلة تتدبل هحط الفلفل الالوان و نقلب كله مع بعض
- وهروح اجيب التقاطيع بتاعتي واحطها في الحله واشوح كله مع بعض
- واحط هنا بقا البهارات
- الملح
- وفلفل اسود
- وبهار لحمة
- وشطه
وتقلبي كويس ودوقي وشوفي وظبطي الملح - هزود حبه مايه عشان البصله الجديده تستوي و طعم البصل والثوم والفلفل يدخلوا في التقاطيع وسيبهم ع النار
- لغايه لما تنشف الميه و البصله تستوي