عناصر المحتوى
المقادير:
- فرخة مغسولة
- ملح
- فلفل
- كمون
- بابريكا
- كاري
- هيل مطحون (ربع ملعقة)
- ورق لوري
- 2 علبة زبادي وطماطميتين معصورين
- ماية 3 بصلات أو انك تحطي المقادير على بعضها من غير الفراخ وتضربيهم في الخلاط
- 3 فصوم توم مفروم ناعم أوي
- ومعلقتين شطة حمرا مطحونة لو بتحبي الحار
التحضير:
- نقطع الفرخة أربع تربع أو 8 زي ماتحبوا ، ونعمل فتحات صغيرة بالسكينة في أجزاء متفرقة من القطع
- نحط الفراخ في التتبيلة اللي فاتت مدة لا تقل عن 3 ساعات
- نطلع الفراخ من تتبيلتها ونحطها في الدقيق المبهر (بملح وكمون ورشة بابريكا) ونخرجها على ماية متلجة وبعدين
- نحطها في دقيق مخلوط بشوفان أو كورن فليكس نص جرشة ..أو بدقيق مرشوش علية نقط ماية وتفركيها زي
- الكسكسي كده لحد ماتبقى زي الفتل المعقودة (ودا اللي أنا عملته عشان اكتشفت ان الكورن فليكس خلصان)
الطبخ: طريقة عمل تشيكن كريسبي
- وانت بتحطي قطع الدجاج في الدقيق المخلوط ماتضغطيش عليها أوي عشان الدقيق مايعجنش
- بس انت خليها تتغطى من كل الجهات وبعدين بايدك حاولي زي مايكون بتكبسي كده على بسيط عشان الخليط يلزق كويس
- تدخلي الدجاج بقى في الفريزر ربع ساعة أو الثلاجة ساعة وتخرجيها عالقلي مباشرة في زيت غزير وسخن جدا
- وأول ماننزل بالفراخ نحسب دقيقة بعدين نهدي النار وسط لحد ماتستوي …وبالهنا والعافية
