طريقة عمل بيتزا خطوة بخطوة بالتفصيل

طريقة عمل بيتزا

طريقة عمل بيتزا خطوة بخطوة بالتفصيل

  • نوع الوصفة: اطباق رئيسية
  • محتوى الوصفة: معجنات
  • درجة الصعوبة: سهلة جدا
  • خصائص: سريعة التحضير محببة للاطفال
  • الكمية تكفي: 4 أشخاص
  • وقت التحضير: 30 دقيقة
  • وقت الطهي: 30 دقيقة

المقادير:

طريقة عمل بيتزا خطوة بخطوة بالتفصيل
طريقة عمل بيتزا خطوة بخطوة بالتفصيل
  • كوب دقيق 
  • 4 ملاعق لبن بودره نيدو
  •  معلقه صغيره ملح 
  • معلقة كبيره سكر 
  • معلقتين صغيرتين خميره فوريه 
  • كوب ماء دافى 
  • فنجان زيت
  • مقادير الكاتشب بتاع البيتزا 
  • بصله مبشوره صغيره 
  • فصين توم كبار ومفرومين 
  • واحدة فلفل صغيره ومتقطع 
  • ملح
  • وفلفل
  • وبهارات ( انا بحب الزنجبيل فضفته كمان ) 
  • كيس صلصه جاهز
  • مقادير الحشو للوش 
  • جبنه رومى مبشوره 
  • فلفل للتزيين مقطع حلقات 
  • زيتون اسود على اخر مقطع حلقات

التحضير: طريقة عمل بيتزا خطوة بخطوة بالتفصيل

  • وبالنسبه للخميره نحط عليها معلقة سكر صغيره وندوبها فى شوية ميه
  • ونسيبها ترتفع ودى بعد ما ارتفعت اهى فى الكوبايه ما شاء الله
  • ودى الصلصه بعد ما اتسبكت على النار :
  • ركزوا معايا يا فتاتيك ياللى لسه بتتعلموا المعجنات
  • هننخل الدقيق بمنخل او مصفاه علشان الهوا يتخللها كدا وتنفش وتبقى حلوه وننخل مع الدقيق كل المكونات الجافه اللى هيا
  • ( الدقيق – لبن نيدو – السكر – الملح )
  • نضيف الماء والزيت والخميره بعد ما تكون ارتفعت ونعجن كويس اوى بمدة 10 دقايق او ربع ساعه على قد ما تقدرى
  • وتلاقى العجينه لمت كدا فى ايدك وبقت حلوه
  • خلاص عجنا وايدينا وجعتنا من العجن نغطيها بقى بكيس بلاستيك على الوش ونسيبها تخمر كويس لمده ساعه او
  • ساعه ونص على حسب ما تخمر والجو حر ماتقلقوش هتخمر بسرعه ان شاء الله
  • انا حطيت عليها الكيس وبعدين لفيتها كلها فى كوفرته علشان تخليها تخمر بسرعه
  • ودى العجينه بعد مرور ساعه ونص بعد ما خمرت قولوا ما شاء الله حجمها تضاعف :
  • نجيب صينيه متوسطه كدا وندهنها زيت خفيف ونفرد العجينه فيها وهتفرد بسهوله علشان احنا ى الصيف وهتلاقيها
  • مش بتمط اوى وسايحه
  • وعلى فكره يا بنات المقادير دى عملت معايا صينيه متوسطه وصينيه صغيره
  • ندهن العجينه بصلصة الكاتشب اللى عملناها بس منكترش علشان تبقى حلوه

الطبخ: طريقة عمل بيتزا خطوة بخطوة بالتفصيل

  • بعد ما دهنا وشها بالصلصه نبدأ بقى نوزع الزيتون والفلفل والجبنه الرومى على الوش
  • ندخلها بقى الفرن حوالى 20 دقيقه او 25 دقيقه على حسب ما تحسى انها استوت على نار متوسطه وتكونى
  • مسخنه الفرن دقيقتين كدا
  • وبعدين اختبريها بخله او سكينه من النص لو طلعت نضيفه تبقى خلاص استوت
  • وهنا بعد ما خلاص استوت يمى يمى تحفه وريحتها كانت قالبه البيت بشكل رهيب
طريقة عمل البيتزا في البيت
0/5 (0 Reviews)
قد يعجبك ايضا
اترك تعليقا