طريقة عمل بيتزا جمبرى ومشروم بالتفصيل خطوة بخطوة
- الكمية تكفي: 4 أشخاص
- وقت التحضير: 30 دقيقة
- وقت الطهي: 30 دقيقة
المقادير:
- مجات دقيق (المج بتاع الشاى )
- كيس خميره فوريه
- معلقة ملح
- معلقة سكر
- واحدة زبادى بلدى 100 جرام
- 3 معالق كبيره لبن بودره
- ربع كوباية زيت
- ماء دافى للعجن
- معلقة كبيره بيكنج بودر
التحضير:
- هنجيب نص كوباية مايه دافيه وندوب فيها السكر والخميره ونسيبها
- تتخمر علشان نتأكد انها نشطه
- وده شكلها اول مادوبتهم وبعد ماخمرت
- وبعدين ننخل الدقيق مع البيكنج بودر ونحط عليه الملح واللبن البودره ونعمل حفره فى النص
- ونحط فيها الخميره بعد ماتخمر والزيت والزبادى ونعجن كويس اوى
- لو احتاجت هنزود مايه دافيه شويه بشويه لحد مالعجينه تبقى ناعمه ومش بتلزق خالص
- وتلم على بعضها ونغطيها بفوطه ونحطها فى مكان دافى ونسيبها تخمر تقريبا ساعه او ساعه ونص
علشان البرد - بعد ماتخمر هنقسمها على اد مااحنا عايزين او ممكن تعملوها واحده كبيره اوى التوبينج
- هنغلى مايه ونحط فيها كذا واحدة طماطم لحد ماتغلى المايه تانى ونطلع منها الطماطم
- هنلاقيها بتتقشر لما تبرد نقشرها ونهرسها بشوكه كويس
- هندق 3 فصوص توم ونحطهم على معلقة زيت يدوبك يصفروا ميتحمروش ونحط عليهم الطماطم ونهدى النار
- لحد مامايتهم تنشف ونحط بقى التوابل بتاعتنا انا حطيت توب وبصل بودره وزعتر وملح طبعا بس وكده تمام انا بعمل
- كتير وبحطها فى علبه واعينها فى الفريزر اى وقت اعمل بيتزا اطلعها بتبقى جاهزه
- طريقة عمل بيتزا جمبرى ومشروم بالتفصيل خطوة بخطوة
الطبخ: طريقة عمل بيتزا جمبرى ومشروم
- الجمبرى شوحته فى معلقة زيت وعليه توم بودره ممكن تحطى توم طازه عادى
- والمشروم انا جايباه معلب بشطفه من الميه المحفوظ فيها واصفيه كويس
- لو جايباه طازه هتقطعيه ترنشات وتشوحيه ع النار
- الجبن بحط مع الموتزريلا جبنه رومى بجيب ربع جبنه رومى جديده او طازه وابشرها هنا العجينه عملت دول الصينيه المتوسطه فى طقم البيتزا
- واتنين فويل صغننين ودى طبعا حطيت فوقها موتزاريلا مبشوره تانى لانها فضلت كده بالمنظر ده
- وهنا بعد ماستووا مش بتاخد حاجه فى الفرن تقريبا ربع ساعه وطبعا فرن حامى