- الكمية تكفي: 4 أشخاص
- وقت التحضير: 30 دقيقة
- وقت الطهي: 20 دقيقة
عناصر المحتوى
المقادير:
- 3 اكواب دقيق
- معلقتين سمن
- بيضة
- معلقة سكر كبيرة
- نص كوب لبن و نص ميا
- 3 معلقة ص كمون
- ملح شوية حلوين لا كتير اوي و لا قليل معلش مش عايرت
- 2 معلقة ك زيت
- كمية من الحبة البركة
- شوية شمر
- 2 معلقة ص خميرة
التحضير:
- هنسيح السمن و نضيفها للدقيق و نفركها كويس فيه
- و نضيف كل المكونات اللي فوق – اللبن و الماء شوية شوية
- و تعجيني لحد ما تتماسك و مش ملزقة اوي يعني حلوة
- قبل ما تخمر بعد ما خمرت
- نبدا نشكلها صوابع رفيعة زي ما بنشوفها
- هنجيب بيضة و نحط عليها رشة خفيفة ملح و ندهن الوش بتاعه بفرشاة زي كدا
الطبخ:
- دا شكل الصواني و هي مرصوصة بس انا عاملة كمية كبيرة يعني كان ضعف المقدار تقريبا
- ورصيت ف صاج الفرن نفسه و صواني الفرن حطيه ع 180 و سيبه و تابعيه
- و هيطلع ف النهاية بالشكل التوحفة دا و الطعم رووعة