طريقة عمل اوراك فراخ محشية الحمام الكداب

طريقة عمل اوراك فراخ محشية

طريقة عمل اوراك فراخ محشية

طريقة عمل اوراك فراخ محشية

  • نوع الوصفة: اطباق رئيسية
  • محتوى الوصفة: دجاج و طيور
  • درجة الصعوبة: سهلة
  • خصائص: سريعة التحضير محببة للاطفال
  • الكمية تكفي: شخصين
  • وقت التحضير: 15 دقيقة
  • وقت الطهي: 30 دقيقة

المقادير:

طريقة عمل اوراك فراخ محشية
طريقة عمل اوراك فراخ محشية
  • اوراك دجاج
  • لتتبيله بتاعتها
  • بصلة مبشورة
  • ملح 
  • فلفل
  • كمون 
  • كسبرة
  • زعتر
  • شطة
  • خل
  • ليمون
  • زنجبيل
  • صويا صوص
  • زيت زيتون قليل
  • ومعلقة صلصه علشان اللون والمزازة 
  • رز
  • كبد وقوانص

التحضير: طريقة عمل اوراك فراخ محشية

  • قطعتها نصفين وشيلت العضم اللى بين الاوراك بس ده فى الاخر
    وفتحت مابين الجلد واللحم
    وبعدين جهزت التتبيله بتاعتها
    (بصلة مبشورة-ملح -فلفل-كمون -كسبرة-زعتر-شطة-خل -ليمون-زنجبيل-صويا صوص-زيت زيتون قليل-ومعلقة صلصه علشان اللون والمزازة )
    وتبلتها بيها من برة وجوه الجلد
    وفتحت لحححم الاوراك بالطول كده كام غزة ودخلت التتبيلة فيه
    وكمان قبل ما اتبلها برش على اللحم شوية ملح علشان تبقى طعمة
    بس وغطيتها وسبتها فى التلاجة لحد تانى يوم
    بشرت نصف بصلة صغيرة وشوحتها ونزلت عليها بالقوانص المقطعة ومغسولة ومتتبلة بملح وفلفل بس وشوحتهم شوية وبعدين نزلت بالكبدة برضه ملح وفلفل
    لحد ما استوو شوية
    غسلت الرز ونزلت بيهوسقيتهم مياه بتغلى لحد ما اخد نصف سوا
    بعد كده بشيل التتبيلة من على الفراخ بس مش نشيلها اوى يعنى
    وابدأ احشيها بالرز جوا الدبابيس وجوا الورك نفسه واى حتى فاضية فيه
    لحد ماتبقى فيها كمية رز كويسة كده
    معلش معرفتش اصور الخطوة دى لان ايدى كانت كلها رز وحشو وكده وبعد كده قفلتها بالابرة والخيط لميت الجلد اللى ورا وقدام على بعضه وخيطته
    انا محبتش اعملها بالخلة علشان مش هتبقى مقفولة بنظام
    عملتها بالخيط وهوريكو شكلها دلوقتى بعد ما قفلتها كلها على الرز
    بعد كده بقى اخر مرحلة هحضر صينية التسوية
    حطيت فيها بصلة مقطعة وكباية ونصف او اتنين مياه حسب وسع الصينية
    ومكعب مرقه دقاق وشوية ملح وقلبتهم على النار علشان المرقة تسيح
    ووحطيت فوقهم الفراخ وشوية من التتبيلة بتاعتها وامسحها بسمن او زيت
    بس مصورتش الحتة دى

الطبخ: طريقة عمل اوراك فراخ محشية

  • وعلى الفررن
  • على حرارة عالية شوية او متوسطة لمدة ساعة او اكتر حسب حجم الفراخ
  • ولما المياه تخلص وهى لسة مستوتش ازودها مياه تانى
  • (فى النقطة دى كنتى ممكن تقفليها بورق قصدير وتنزلى بيها فى مياة مغلية وبعدين تحمريها زى الحمام
  • بس انا فضلت اجربها فى الفرن وكانت راائعة )
  • واول ماطلعتها كنت مسخنة فحمة على عين البوتجاز حطيتها وسط الصينية فى طبق صغنون ونزلت عليها بمعلقة
  • زيت وقفلت الغطا على الصينية وسبتها تشم دخان الفحم بقى

ملاحظات: طريقة عمل اوراك فراخ محشية

  • بلاش نتبل الرز بتتبيلة كتيرة يعنى كفاية ملح خفيف وفلفل بس لان الفراخ اصلا متتبلة كويس وهيبقى طعمهم رخم لو التتبيلة زادت عن حدها
    حتى انا مضفتش شوربة دجاج على الرز لنفس السبب
4/5 (1 Review)
قد يعجبك ايضا
اترك رد

لن يتم نشر عنوان بريدك الإلكتروني.