- نوع الوصفة: اطباق رئيسية
- محتوى الوصفة: عام
- درجة الصعوبة: سهلة جدا
- الكمية تكفي: 6 أشخاص
- وقت التحضير: 30 دقيقة
- وقت الطهي: 60 دقيقة
المقادير:
طريقة عمل الملفوف المحشي بالارز- كرنب
- رز
- طماطم
- بصل
- زيت
- شبت
- بقدونس
- كسبرة
- صلصة
التحضير:
- اول حاجه قطعت البصل بتاعى قطع صغيره وحطيتو فى زيت وعالحله عدل لحد مالونه يصفر واحس انه دبل كده
- وبعد كده عصرت الطماطم
- وبعدين قطعت الخضره بتاعتى صغنت خالص
- شبت بقدونس كسبره //طبعا كل ده وانا بقلب فى البصل ليتلسع منى
- بس واما لاقيت بقى البصل خلاص اتظبط وبقى لوز كده قومت بقى حطيت الطماطم بتاعتى جواه
- وحطيت معاه معلقه صلصه طماطم علشان لونه يحمر بس ونستنى لما تتسبك وبعدين
- قومت هنا بقى حطيت الخضره بتاعتى
- وقلبتها و طبعا غلوه وقومت طافيه البوتاجاز علطوول
- وبعدين ضفت الرز وقلبت كله مع بعضه وسبتها تبرد شويه
الطبخ: طريقة عمل الملفوف المحشي بالارز
- شايفين الصوص الاحمر او الدمعه يعنى اللى انا مبيناها فى المعلقه دىدى يا اوختى ياحلوه كده تاخديها وتقومى
- حطاها فى طبق بلاستيك او تحطيها فى اى حاجه يعنى
- وتسقى بيها المحشى بعد ماتحشيه
- بسب بقى ياستى وقومت بقى راصه شويه ورق كرنب فى الحله من تحت
- وبعدين قومت لفه المحشى بتاعى
- معلش انا اكمنى بطيئه ملحقتش اصورلكم بحشيه ازاى
- بس هتلاقى اللينك اللى ادتهولكم فوق للفتوكه الداعيه ربها عامله الطريقه للى ماتعرفهاش
- وبعدها ماننساش نحط سرنا وطبعا تسقى المحشى بقى بالشوربه بتاعتك يادوبك تغطى وش المحشى
- وتسيبيها تغلي جامد لمده ربع ساعه وبعدين وطى النار علشان طبعا اللى فوق يستوي ومايتظلمش سعيدة قوي
