طريقة عمل الكوسه والبطاطس بالبشاميل
- الكمية تكفي: 6 أشخاص
- وقت التحضير: 30 دقيقة
- وقت الطهي: 30 دقيقة
عناصر المحتوى
المقادير:
- هتجيبى كيلو كوسه وتقطعيه قطع مدورة
- وحوالى نص كيلو بطاطس وتقطعيه مكعبات
- وكيلو لبن وقشطة ودقيق طبعا للبشاميل
- كبد وقوانص
التحضير:
- الافتكاسه بقى
- انى حطيت كبد وقوانص مكان اللحمة المفرومة
- عملتها عصاج بنفس طريقه اللحمة المفرومة
- حضرت كل حاجة وجبت طاسه كبيرة وحطيت فيها معلقه زبدة وشوحت فيها البطاطس كويس لحد ما دخلت فى
- السوا بس اوعى تتهرى منك
- وشوحت الكوسه بنفس الطريقه
- وحطيتهم فى مصفاه عشان يصفو باقى الزبدة الزيادة
- وطبعا عملت البشاميل وضربته فى الخلاط عشان يبقى كريمى
- وجهزته وتبلته بملح وفلفل بس متزوديش الملح عشان الكوسة بتنزل ملح لوحدها
- وجهزت صينية متوسطة ودهنتها بالسمن
- وحطيت راق كوسه وفوقه راق بطاطس وحطيت عليهم بشاميل وقلبتهم كويس
- وحطيت الكبد المعموله عصاج فوق الطبقة دى
- وكملت بباقى البطاطس والكوسه وحطيت البشاميل الباقى فوقهم
الطبخ:
- وحطيت حتة زبدة ودخلتها الفرن
- وبجد كان طعمها وريحتها تحفة انا بحب البشاميل فاتح كدة
- لو عايزاه غامق اصبرى شويه عليه فى الفرن
