عناصر المحتوى
المقادير: الكوبيبة
- 2 كيلو لحمة مفرومة
- 3 كوبيات رز
- شبت
- كسبرة خضرة
- بصلة محترمة
- 3 فصوص توم
- ملح
- فلفل اسمر
- شعرة كربوناتو
التحضير:
- نقطع الاول الشبت و الكسبرة اى تقطيعة و طبعا نغسل الرز و نجيب الكبة
- نحط فى الكبة شوية رز و نص كمية الشبت و الكسبرة و فصين توم و نص البصلة و حبة مية صغيرين
- و طبعا الملح و الفلفل نضربهم كويس
- نعمل بقيت الخضار و البصل و التوم و شوية رز كمان و طبعا حبة المية
- خلاص خلصناهم نضرب بقى اللحمة المفرومة مع شوية رز و نحط بقى شعرة الكربوناتو و برده حبة المية
- لما نضربهم مرتين نحط عليهم حبة من خلطة الخضار اللى عملناها قبل كدة و نضربهم ضربتين
- نضرب بقى الكمية اللى فاضلة من الرز و اللحمة المفرومة
- نخلطهم مع بعض كويس اوى
الطبخ: طريقة عمل الكوبيبة
- نجيب الحلة اللى هانسويها فيها و نحط فيها شرايح فلفل اخضر علشان ماتتلسعش و هى بتستوى
- و تاخدى من الخلطة على قد ايدك و تكوريها كويس و تبططيها على ايدك و تساويها علشان مقاسها و سمكها
- يبقى قد بعضه و خدى بالك و انتى بترصيها خليها جمب بعض ماتخليش اطرافها على بعض علشان ماتبقاش معوج
- حطى على وشها معلقة صلصة و حتة سمنة و اغلى الشوربة و اسقيها زى المحشى كدة يعنى يا دوب تتغطى
- تفضل النار عالية لحد ماتشرب الشوربة و بعدين توطى النار
