- الكمية تكفي: 4 أشخاص
- وقت التحضير: 30 دقيقة
- وقت الطهي: 30 دقيقة
عناصر المحتوى
المقادير:
- {1} كوبيتين رز ابيض مغسول ومسلوق
- {2 ربع كيلو عدس بجبة متنقى ومغسول ومسلوق
- {3} ربع كيلو مكرونة مسلوقة مشكلة صغيرة واسباجيتى
- {4} ربع كيلو حمص مسلوق
- {5} ربع كيلو شعرية مستوية
- {6} بصلة كبيرة مبشورة ومتحمرة ونصف راس توم
- {7} طماطم وصلصة
- {8} ملح وكمون وشطة ومعلقتين زيت
التحضير:
- اولا نغسل الرز ونعلق عليه على النار ونحط معاه الملح ومعلقة زيت
- والماية تغطيه ب2 سم ونتركه لحد مايتشرب نوطى النار حتى السوى
- شايفين استوى وبقى مفلفل ازاى
- نسلق المكرونة نغلى حلى ماية على النار ونضع فيها شوية ملح ومعلقة زيت
- واول ماتغلى نسقط فيها المكرونة ونقلب لحد ما تتسلق
الطبخ: طريقة عمل الكشرى ابو دقة
- بعد السلق نصفيها ونفتح عليها الماية وانا بخليها فى المصفى عشان لو حبيت اسخنها تتسخن على البخار
- ونسلق العدس ابو جبة زى طريقة الرز بس انا بكتر مايته شوية وبعد ماشرب مايته اوطى عليه النار على الهادى
- لحد تمام النضج
- باقى الحمص نغسله ونكون ناقعينه فى الماية قبلها باربع ساعات وبعدين نسلقه
- مع طماطماية وفصين توم وبعد النضج نغرفه فى طبق وندقله فص توم مع الملح والكمون ومعلقة ومعلقة خضرة
- الشعرية بحمرها فى معلقة زيت لحد لونها مايحمر
- اصوب عليها الماية يدوب تغطيها زى مانتم شايفين ومعها ملحها
- ولما تشرب مايتها اوطى عليها على الهادى لحد تمام النظج وهى بتستوى بسرعة
- واخيرا احمر البصلة انا ببشرها وبعدين احمرها لحد مايكون لونها بالشكل دة
- واحمر التوم وانزل عليه بالطماطم لحد ماتصلص ازودها معلقتين صلصة
- واظبط ملحها
- بعد الحجات دى كلها نعمل اهم حاجة فى الموضوع
- {الدقة} بالصلصة والتوم والخل
- ندق فصين توم ومعاهم الشطة ومعلقتين خل ونضيف عليهم الصلصة
